

D1584

རྒྱ་གར་གྱི་མཁན་པོ་ཨ་བ་དྷཱུ་ཏཱི་པ་དཔལ་གཉིས་མེད་རྡོ་རྗེས་མཛད་པའོ།། །།རྣལ་འབྱོར་པ་པྲཛྙཱ་ཤྲཱི་ཛྙཱ་ན་ཀཱིརྟིས་རང་འགྱུར་དུ་མཛད་པའོ། །[]@##། །རྒྱ་གར་སྐད་དུ། བཛྲ་ཡོ་གི་ནཱི་མཎྜལ་བྷི་དྷི་ནཱ་མ། བོད་སྐད་དུ། རྡོ་རྗེ་རྣལ་འབྱོར་མའི་དཀྱིལ་འཁོར་གྱི་ཆོ་ག་ཞེས་བྱ་བ། བཅོམ་ལྡན འདས་མ་རྡོ་རྗེ་རྣལ་འབྱོར་མ་རྣམས་ལ་ཕྱག་འཚལ་ལོ།།དྲི་མེད་མཉམ་པ་མེད་པ་ཡུམ་གྱི་མཆོག་གྱུར་རྡོ་རྗེ་མཛེས་མ་ལས་བྱུང་ཆོས་ཀྱི་དྲིས། །ཁྱབ་པའི་མཁས་པས་གྲངས་མེད་རྣམས་ཀྱི་སྦྲང་རྩི་ལེན་མཚུངས་རྒྱུན་དུ་ཡང་དག་བསྟེན་པ་ཡིས། །བགེགས་དང་ཉོན་མོངས་ཚོགས་ཀྱི་ཚ་བ་ འཇོམས་པར་བྱེད་ཅིང་ཡོན་ཏན་ཚོགས་ཀྱིས་གང་བ་ཡི།།མྱ་ངན་འདས་པའི་བདུད་རྩི་སྟེར་བྱེད་བླ་མའི་ཞབས་ཀྱི་པདྨ་ལ་ནི་སྐྱབས་སུ་མཆི། །བྱེ་བྲག་ཤེས་པ་དཔག་ཏུ་མེད་པས་བྱས་པའི་ཐར་སྟེར་ལྟ་བུ་མ་ཡིན་ཡང་། །འོན་ཀྱང་བྱ་ཁྱུང་མཁའ་ལ་སྤྱོད་ཕྱིར་བྱ་གཞན་ མཐའ་ལ་མི་སྤྱོད་མིན་པ་ཡིས།།རྟོགས་ལྡན་རྣམས་ལ་བཟོད་གསོལ་རྡོ་རྗེ་ཡིད་འོང་མ་ཡི་འཁོར་ལོའི་བྱ་བ་རྣམས། །ལུས་ངག་ཡིད་ཀྱི་གུས་པ་དང་ལྡན་དོན་དུ་བདག་གིས་ཡང་དག་བརྗོད་པར་བྱ། །འདིར་གང་གི་ཕྱིར་ན། གཏི་མུག་ཆེན་པོའི་ཚོགས་ཀྱི་མུན་པ་རྣམས་ཀྱིས་ཤེས་རབ་ཀྱི་ མིག་བསྒྲིབས་ནས།ལམ་མ་ཡིན་པར་འགྲོ་བའི་སེམས་ཅན་རྣམས་མཐོང་ནས་མཆོག་གི་སྙིང་རྗེ་ཅན་གྱི་སློབ་དཔོན་གྱིས་གཙོ་མོའི་བཟླས་པ་འབུམ་དང་འཁོར་གྱི་ཁྲི་ཚོ་རེ་རེ་བསྐྱལ་བ་སྔོན་གྱི་བསྙེན་པའོ། །དེ་ནས་དང་པོར་མི་དགེ་བ་བཅུ་ལས་བཟློག་ཅིང་དགེ་བ་བཅུ་ལ་གཞུག་གོ། ། བསྙེན་གནས་དང་དགེ་བསྙེན་ལ་སོགས་པའི་བསླབ་པ་དང་། དཀྱིལ་འཁོར་དུ་འཇུག་པ་ལ་སོགས་པ་མྱ་ངན་ལས་འདས་པའི་གྲོང་ཁྱེར་དུ་འཇུག་པའི་ལམ་གྱི་དེ་དག་ཉེ་བར་བཟུང་བའོ། །དེ་ལྟར་དད་པ་ལ་སོགས་པ་མཆོག་གི་ཡོན་ཏན་དང་ལྡན་པའི་སློབ་མ་དཀྱིལ་འཁོར་དུ་དབང བསྐུར་བའི་དོན་དུ་ལན་གཉིས་དང་ལན་གསུམ་དུ་གསོལ་བ་བཏབ་པ་དང་།དེའི་ཚོགས་པ་མ་ཚང་ན་དེའི་ལྟེ་བར་ཉི་མའི་དཀྱིལ་འཁོར་ལ་བཀོད་པའི་ཡི་གེ་ཧཱུཾ་གི་འོད་ཟེར་གྱིས་སྙིང་གར་གནས་པའི་ཡི་གེ་ཀཾ་ལས་བྱུང་བའི་སྡིག་པ་ཤ་ཟ་དང་མཚུངས་པར་སྣ་ནས་འཐོན་པ་དང་། དེ་ནས་ཡི་གེ་ ཧཱུཾ་སྙིང་གར་དྲངས་པ་ལས་ཡོངས་སུ་གྱུར་པ་ལས་ཁྲོ་བོའི་རྒྱལ་པོ་ཧཱུཾ་མཛད་ཕྱི་རོལ་དུ་བྱུང་ནས།ོཾ་སུཾ་བྷ་ནི་སུཾ་བྷ་ཧུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ཨོཾ་གྲྀཧྞཱ་པ་ཡ་གྲྀཧྞཱ་པ་ཡ་ཧུཾ་ཧཱུཾ་ཕཊ། ཨོཾ་ཨཱ་ན་ཡ་ཧོཿ་བྷ་ག་བཱན་བིདྱཱ་རཱ་ཛ་ཡ་ཨ་མུ་ཀ་སྱ་སརྦ་པཱ་པཾ་ནཱ་ས་ཡ་ཧུཾ་ཧཱུཾ་ཕཊ་སྭཱ་ཧཱ་ཞེས་བརྗོད་ཅིང་ཁྲོ་བོའི་རྒྱལ་ པོའི་རྡོ་རྗེས་སྡིག་པ་ལ་བསྣུན་པས་སྟོང་པར་བསམ་མོ།།དེ་ནས་ཨོཾ་བཛྲ་ཀཱི་ལི་ཀཱི་ལ་ཡ་སརྦ་སྱ་སརྦ་བིབྷྞཱཾ་བནྡྷ་ཧུཾ་ཧཱུཾ་ཕཊ་ཅེས་པའི་རྡོ་རྗེ་རྣལ་འབྱོར་མའི་བཀའ་བྱིན་པ་དེ་རང་ཉིད་ཀྱིས་ཀྱང་བརྗོད་པར་བྱ་ཞིང་། ཁཎྜ་རོ་ཧས་ལྟེ་བ་མན་ཆད་ཕུར་པའི་རྣམ་པ་ཅན་གྱི་ཕུར་པས་སློབ་མའི་སྙིང་གའི་ བགེགས་ལ་གདབ་པར་བྱའོ།།ཕུར་པའི་འོད་ཟེར་ཤིན་ཏུ་རྣོ་བས་སྡང་བ་ཐམས་ཅད་རྣམ་པར་བསྲེགས་ཏེ། སློབ་མ་དེ་ཡི་གེ་སཾ་ལས་ཀུན་དུ་བཟང་མོར་བསམ་པར་བྱའོ། །དེ་ནས་ཏིང་ངེ་འཛིན་གྱིས་གོ་ཆ་བསྐོན་ཏེ་སྲུང་བ་དང་སྔགས་ཀྱིས་བསྲུང་བར་བྱའོ། །དེ་ཉིད་ཁཎྜ་རོ་ཧའི་སྔགས་སམ་ བཅོམ་ལྡན་འདས་མའི་སྔགས་ཟློས་སུ་གཞུག་གོ།།དེ་ལྟར་བྱས་ན་དེའི་བགེགས་དང་ལོག་པར་འདྲེན་པ་ཐམས་ཅད་བརླག་པར་འགྱུར་ཞིང་། དགོས་པའི་ཡོ་བྱད་ཐམས་ཅད་ཚེགས་མེད་པར་འཛོམ་པར་འགྱུར་རོ། །དེ་ནི་སློབ་མ་གཟུང་བའི་ཆོ་གའི་རིམ་པའོ། །དེ་ནས་དགོས་པའི་ཡོ་བྱད་ ཐམས་ཅད་ཚོགས་པ་དང་།བྱ་བ་ལ་མཁས་པའི་གཡོག་དང་རིག་མ་དང་བཅས་པའི་སློབ་དཔོན། དགེ་བའི་གཟའ་ལ་སོགས་པ་ལ་གཙོ་མོའི་ང་རྒྱལ་དང་བཅས་པས། ཕྱོགས་རྣམས་དང་གནས་ཀྱི་བྱེ་བྲག་འབའ་ཞིག་ཏུ་དཀྱིལ་འཁོར་བཞེངས་པ་སྤང་བ་གོ་བར་བྱས་ལ་གྲོང་ཁྱེར་ལ་སོགས་པ་ དབང་ལྡན་གྱི་མཚམས་སུའམ།གང་ཡིད་དུ་འོང་བའི་གནས་སུ་བྱང་དང་ཤར་གཞོལ་བའི་རབ་ཏུ་བསྟར་བའི་མཎྜལ་གྱི་ས་གཞི་ངེས་པར་བརྟགས་ལ། དེར་ལྕི་བ་ལ་སོགས་པའི་མཎྜལ་བྱས་པ་དང་། དཀྱིལ་འཁོར་གྱི་ལྷ་རྣམས་མཆོད་ནས་ནམ་མཁའ་ལ་གཤེགས་པར་བྱའོ། །དེ་ ནས་དེ་ན་གནས་པའི་ཞིང་སྐྱོང་ལ་སོགས་པ་རྣམས་གཏོར་མ་དང་ཉེ་བར་སྤྱོད་པ་ལ་སོགས་པས་མཆོད་དོ།།དེ་ནས་གསོལ་བ་བཏབ་པ་ནི། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་དང་། །དེ་དག་རྣམས་ལ་ས་གཞི་ཉིད། །དཀྱིལ་འཁོར་དོན་དུ་བདག་ལ་སྦྱིན། །ཞེས་ པས་ལན་གསུམ་དུའོ།།རྨི་ལམ་ལ་སོགས་པར་དེ་ཉིད་ཀྱིས་གནང་བའམ་དགག་པ་མ་བྱས་ན། ནང་པར་གྱི་ཐུན་དང་པོ་ལ་བཅོམ་ལྡན་འདས་མ་རྡོ་རྗེ་རྣལ་འབྱོར་མ་ལ་སོགས་པ་ནམ་མཁར་བལྟས་ལ་གསོལ་བ་གདབ་པར་བྱའོ། །ཉི་མ་ཕྱེད་ཀྱི་དུས་སུ་སྲུང་བའི་འཁོར་ལོ་དང་བགེགས་ལ་ཕུར་ པ་གདབ་པ་བསྒོམ་པའམ།དྲག་པོའི་སྦྱིན་སྲེག་གིས་བགེགས་རྣམས་བཅོམ་ལ་ས་གཞི་དེ་ཉིད། ཨོཾ་ཨཱཿ་བིགྷྞཱཾ་ཏ་ཀྲྀ་ཏ་ཧཱུཾ་ཞེས་པ་བཟླས་ཞིང་ཡུངས་ཀར་དང་ཐལ་བ་དང་ཆུ་ཡིས་ནི་ར་མ་ཐ་བྱའོ། །དེ་ཉིད་དུ་སའི་ལྷ་མོ་རྡོ་རྗེའི་འདུག་སྟངས་ཀྱིས་གནས་པ་གསུང་བར་འགྱུར་བའི་སྐུ་མདོག་ལ་སོགས་ པ་དང་ལྡན་པར་བསྒོམས་ལ།ཞལ་བསིལ་ལ་སོགས་པས་མཆོད་ནས་ཨེ་ཧྱེ་ཧི་ལ་སོགས་པའམ། ལྷ་མོ་ཁྱོད་ཉིད་ལ་སོགས་པས་ལན་གསུམ་དུ་གསོལ་བ་བཏབ་སྟེ། དེ་ལྟར་མཛོད་ཅིག་ཅེས་གནང་བ་བྱིན་པ་དང་དེ་ཡིད་ཀྱིས་ནམ་མཁའ་ལ་བཞུགས་པར་བྱའོ། །དེ་ནས་ ས་གཞི་དེ་གེགས་མེད་པར་ཤེས་པར་བྱས་ལ།བ་ཧུ་ན་གའི་ལྟོ་བར་བཀོད་ནས་སྦྱངས་པ་དང་། སྔགས་ཀྱིས་ས་གཞི་དག་པར་བྱ་བ་དང་ཏིང་ངེ་འཛིན་གྱིས་དག་པར་བྱ་བ་རྣམས་ནི་ས་སྦྱང་བ་རྣམ་པ་གསུམ་གཞན་དུ་ཤེས་པར་བྱའོ། །དེ་ནས་སློབ་དཔོན་ཕྱག་རྒྱ་ལྔ་ཡིས་བརྒྱན་ལ། མེ་ཏོག་གིས་ སྤྲས་པའི་དཀྱིལ་འཁོར་གྱི་ས་གཞིའི་དབུས་སུ་བསྡད་དེ།རྡོ་རྗེ་དྲིལ་བུ་འཛིན་པ་བྲི་བྱའི་དཀྱིལ་འཁོར་གྱི་རྣལ་འབྱོར་དང་ལྡན་པ་སྲུང་བའི་འཁོར་ལོ་ལ་སོགས་པས་བགེགས་རྣམས་འཇོམས་པར་བྱེད་པས་སྤོས་སྣོད་བཟུང་སྟེ་ཧཱུཾ་ལས་རྡོ་རྗེའི་ལྕེ་དང་ལྡན་པར་བརྗོད་པ། ཕྱོགས་རྣམས་ཀུན་ན་གནས་པ་ཡིས། ། སངས་རྒྱས་བདག་ལ་དགོངས་སུ་གསོལ། །འདིར་ནི་རྡོ་རྗེ་ཆེ་གེ་བདག་།དཀྱིལ་འཁོར་ཆེན་པོ་བྲི་བར་བྱ། །སངས་རྒྱས་ཐམས་ཅད་བྱོན་པར་ཞུ། །འདིར་ནི་དངོས་གྲུབ་གནང་བར་མཛོད། །ཅེས་པས་སྙན་གསན་ཕབ་ནས་མཆོད་དེ། མཁའ་འགྲོ་མ་ལ་སོགས་པ་རྣལ་འབྱོར་མ་བཞིའི་རྣལ འབྱོར་དང་ལྡན་པའི་སློབ་མ་ཕྱོགས་བཞིར་གནས་ཏེ་རྡོ་རྗེ་དང་རྡོ་རྗེ་དྲིལ་བུ་འཛིན་པས་སམ།གཅིག་ཕྱོགས་བཞི་རུ་རིམ་པས་ཕྱིན་ནས་བརྗོད་པ། སེམས་དཔའ་ཀུན་ལ་སེམས་ཆེན་པོ། །རང་བཞིན་དག་པས་དྲི་མ་མེད། །ཀུན་དུ་བཟང་པོ་ཐུགས་ཀྱི་མཆོག་།དཀྱིལ་འཁོར་དམ་པ་ བཤད་དུ་གསོལ།།དེ་བཞིན་གཤེགས་ཀུན་རང་བཞིན་བྲལ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག་།དཀྱིལ་འཁོར་དམ་པ་བཤད་དུ་གསོལ། །ཆོས་རྣམས་ཞི་བ་ལས་བྱུང་མཆོག་།རྣམ་པར་དག་པའི་ཡེ་ཤེས་སྤྱོད། །ཀུན་དུ་ བཟང་པོ་གསུང་གི་མཆོག་།དཀྱིལ་འཁོར་དམ་པ་བཤད་དུ་གསོལ། །མཚན་ཉིད་ཐམས་ཅད་ཡོངས་སུ་རྫོགས། །མཚན་ཉིད་བྲལ་བ་རྣམ་པར་སྤངས། །ཀུན་དུ་བཟང་པོ་སྐུ་ཡི་མཆོག་།དཀྱིལ་འཁོར་དམ་པ་བཤད་དུ་གསོལ། །ཞེས་པ་སོ་སོ་ནས་གསོལ་བ་འདེབས་སུ གཞུག་གོ།།དེ་ལྟར་གསོལ་བ་འདེབས་པ་མེད་ན་བདག་ཉིད་ཏིང་ངེ་འཛིན་གྱིས་སོ། །དེ་ནས་སྔོན་དུ་དཀྱིལ་འཁོར་གྱི་འཁོར་ལོ་སྤྲོས་ལ། བསྒོམས་པའི་དཀྱིལ་འཁོར་རྡོ་རྗེ་ཁུ་ཚུར་གཉིས་ཀྱི་མཛུབ་མོ་རྩེ་སྤྲད་དེ་སྤྱི་གཙུག་དུ་ཁ་ཕྱོགས་པ་བཟུང་ལ། ཧཱུཾ་ཧཱུཾ་བཛྲ་ཨུཏ་ཏིཥྛ་ཞེས་བརྗོད་དེ་བཏེག་ནས་ ནམ་མཁའ་ལ་བཞུགས་སུ་གསོལ་ནས་སྐྱིལ་ཀྲུང་བཤིག་སྟེ་ལངས་ལ།ཤར་དུ་ཁ་ཕྱོགས་པ་དང་རྐང་པ་གཤིབས་ནས་ཐལ་མོ་སྤྱི་བོར་སྦྱར་བ་དང་། དེ་བཞིན་གཤེགས་པ་རྣམས་ལ་ཕྱག་བྱས་ཏེ། སེམས་ཅན་རྣམས་མ་རིགས་པའི་མུན་པས་བསྒྲིབས་པས་བདུད་ཀྱིས་བྱིན་གྱིས་བརླབས་ པ་བལྟས་ལ།བདུད་རྣམས་གཞོམ་པའི་ཕྱིར་སྐད་ཅིག་གིས་རྡོ་རྗེ་ཕག་མོར་བསྐྱེད་པ་ལ་མིག་གཉིས་བྱིན་གྱིས་བརླབས་ལ་རྡོ་རྗེའི་ལྟ་བ་དེས་ཕྱོགས་ཀུན་དུ་བལྟ་ཞིང་ང་རྒྱལ་བྱས་ལ། བདག་ནི་རྡོ་རྗེ་རྣལ་འབྱོར་མ། །རྡོ་རྗེ་སེམས་མ་ཉིད་ཀྱང་བདག་།བདག་ནི་སངས་རྒྱས་རྒྱལ་མོ་ཆེ། ། བདག་ནི་རྣལ་འབྱོར་རྒྱལ་མོ་སྟེ། །བདག་ནི་ཕྱག་ན་རྡོ་རྗེར་བརྟན། །ཞེས་བརྗོད་པས་སོ། །དེ་ནས་རྐང་པའི་མཐིལ་དུ་ཧཱུཾ་ལས་བྱུང་བའི་འབར་བཞིན་པའི་རྡོ་རྗེ་བསམས་ཏེ། སྐབས་ཀྱི་དབྱེ་བས་རོལ་པ་དང་བཅས་པའི་པདྨའི་ལག་ཀོར་བྱ་ཞིང་། རྡོ་རྗེ་གསོར་ཞིང་དྲིལ་བུ་དཀྲོལ། རྡོ་རྗེ འགྲོས་ཀྱིས་དབང་ལྡན་ན་ཕར་ལ་གཡོན་སྐོར་གྱིས་སློབ་མ་དང་བཅས་པས་དཀྱིལ་འཁོར་གྱི་ས་གཞི་ལ་གར་བྱ་ཞིང་བརྗོད་པས།གནོད་སྦྱིན་དང་། སྲིན་པོ་དང་། ཡི་དྭགས་དང་། ཤ་ཟ་དང་། བརྗེད་བྱེད་དང་། འབྱུང་པོ་དང་། མཁའ་འགྲོ་དང་། མཁའ་འགྲོ་མ་དང་། སྨྱོ་བྱེད་དང་། རྒན་པོ་དང་རྒན་མོའི་འཁོར་དང་བཅས་པ་དང་། བྱ་ཁྱུང་དང་། དྲི་ཟ་དང་། མིའམ་ཅི་དང་། གསང་སྔགས་གྲུབ་པ་རྣམས་ས་ཕྱོགས་འདི་མ་ཡིན་པའི་གནས་གཞན་དུ་རྒྱུ་གཅིག་།སློབ་དཔོན་ཆེ་གེ་མོ་བདག་སློབ་མ་ཆེ་གེ་མོ་མངོན་པར་རྫོགས་པར་བྱང་ཆུབ་པའི་དོན་དང་། སེམས་ཅན་ཐམས ཅད་ཀྱིས་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་དཔལ་རྡོ་རྗེ་རྣལ་འབྱོར་མའི་དཀྱིལ་འཁོར་བྲི་བར་བྱའོ།།དེའི་ཕྱིར་རྡོ་རྗེ་རྣལ་འབྱོར་མའི་བཀའ་སྩལ་གནང་ནས་མྱུར་བར་འགྲོ་བར་གྱིས་ཤིག་།གལ་ཏེ་གང་ཞིག་མི་འགྲོ་བར་གྱུར་ན་དེའི་སྤྱི་བོར་རྡོ་རྗེ་འོད་ཟེར་ཤིན་ཏུ་འབར་བ་འདིས་འབར་ བ་རབ་ཏུ་འབར་ནས་རྡོ་རྗེ་ཡེ་ཤེས་ཆེན་པོས་མགོ་ཚལ་པ་བརྒྱར་བྱེད་དོ་ཞེས་པ་ལན་གསུམ་བརྗོད་པ་དང་།མཁའ་འགྲོ་མ་ལ་སོགས་པ་ཁྲོ་བོའི་ལྷ་མོ་རྣམས་སྤྲོས་ཏེ། སྒྲུབ་ཐབས་སུ་གསུངས་པའི་ཆོ་གའི་རིམ་པས་བགེགས་རྣམས་གཞོམ་པར་བྱས་པས་དཀྱིལ་ འཁོར་གྱི་ས་གཞིའི་ས་འོག་ཡན་ཆད་རྡོ་རྗེ་ལྟ་བུར་བྱིན་གྱིས་བརླབ་པོ།།དེ་ནས་རྐང་པའི་མཐིལ་བྱིན་གྱིས་བརླབས་ལ་བཅག་པར་བྱའོ། །དེ་ནས་མཎྜལ་དྲི་ཡིས་ཉེ་བར་བྱུགས་ཏེ། མེ་ཏོག་ལ་སོགས་པས་མཆོད་པ་དང་། སྒོ་བཞི་ནས་སྤོས་སྣོད་བཟུང་ལ་གླུ་དང་གར་ལ་སོགས་པས་ཀྱང་མཆོད་ དོ།།དེ་ནས་ས་ལ་རེག་ལ་བཅོམ་ལྡན་འདས་མའི་སྔགས་བརྒྱ་རྩ་བརྒྱད་དང་། ཡི་གེ་བརྒྱ་པ་ལན་བརྒྱད་བཟླས་ནས། དེ་ཉིད་དུ་ལྷ་མོ་རྣམས་ཀྱི་འཁོར་ལོ་སྤྲོ་བ་དང་བསྡུ་བ་བྱས་ལ་ཉལ་ལོ། །དེས་ནི་ས་ཡོངས་སུ་གཟུང་བའི་ཆོ་གའི་རིམ་པའོ།། །།དེ་ནས་དཀྱིལ་འཁོར་གྱི་ས་གཞིའི་དབུས་སུ་དྲིའི་ མཎྜལ་བྱས་ནས།བཾ་ཡིག་ཡོངས་སུ་གྱུར་པ་ལས་སའི་ལྷ་མོར་བསམ་པ་དང་། ཡེ་ཤེས་ཀྱི་ལྷ་མོ་སྤྱན་དྲངས་ཏེ། དམ་ཚིག་གི་ལྷ་མོ་དང་རོ་གཅིག་ཏུ་གྱུར་པ་སེམས་སྤྲོ་བ་དང་བཅས་པ། ཁ་དོག་སེར་མོ་ན་བཟའ་དཀར་པོ་དང་རྒྱན་སྣ་ཚོགས་ཀྱིས་སྤྲས་པ། ཕྱག་གཡོན་གྱིས་གསེར་གྱི་བུམ་པ་ བཟང་པོ་བསྣམས་པ།གཡས་མི་འཇིགས་པ་མཛད་པ་མདུན་དུ་བཞུགས་ཏེ། སྒྲུབ་པ་པོ་ལ་གཟིགས་པ་ལས་ཡོན་ཆབ་སྔོན་དུ་སོང་བའི་སྒོ་ནས་ཡང་དག་པར་མཆོད་ནས་མཉེས་པ་དང་བཅས་པར་བསམ་པ་ནི། ཨོཾ་ཨེ་ཧི་ཡེ་ཧི་མ་ཧཱ་པྲྀ་ཐི་ཝི་ལོ་ཀ་མཱ་ཏ་རེ་སརྦ་རཏྞ་པུ་རཎེ། དེ་བྱ་ཨ་ ལཾ་ཀ་ར་བྷུ་ཥི་ཏེ་ཧ་ར་ཎུ་པུ་ར་ཎིར་གྷོ་ཥེ།བཛྲས་ཏྭ་པྲ་བྷུ་ཛེ་ཏེ། གྲྀ་ཧཱི་ཏ་ཨི་དཾ་ཨརྒྷཾ་མཎྜལ་ཀརྨ་སུ་སཱ་དྷ་ཡ། ཧཱི་ཧཱི་ཧཱི་ཧཾ་སྭཱ་ཧཱ། ཞེས་པ་ལན་གསུམ་བརྗོད་དེ་སྤྱན་དྲང་བ་དང་། ཉེ་བར་ཞུགས་པ་དང་། ས་གཞི་ལ་བཞུགས་པར་བྱའོ། །ཡང་ན། ཤཱཀྱ་སེང་གེ་སྐྱོབ་པ་ཡིས། །ས་དང་ཕ་ རོལ་ཕྱིན་པ་ལ།།ཇི་ལྟར་བདུད་སྡེ་བཅོམ་པ་ཡི། །ལྷ་མོ་ཁྱོད་ནི་དབང་གྱུར་ལྟར། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །ཞེས་པ་ལན་གསུམ་བརྗོད་དེ། ལྷག་པར་གནས་པ་བྱས་པས་དེ་ལྟར་བགྱི་ཞེས་གསུངས་ནས་དེ་ཉིད་དུ་ཐིམ་པར་བསམ་མོ། ། དེ་ནས་ལག་པ་རྡོ་རྗེ་བཅིངས་པས་ལ་མནན་ལ། ཨོཾ་བཛྲི་བྷ་བ་ཧཱུཾ་ཞེས་པ་ལན་གསུམ་བརྗོད་པས། རྡོ་རྗེ་བཅིངས་པ་ལས་ཧཱུཾ་འབར་བཞིན་པའི་ཚོགས་སྤྲོས་པ་དང་། ས་འོག་གི་བར་དུ་རྡོ་རྗེའི་རང་བཞིན་དུ་བསམས་ཏེ། ཨོཾ་བཛྲ་དྲྀ་ཌྷ་ཏིཥྛ་ཞེས་པ་ལན་གསུམ་བརྗོད་དེ། སའི་ལྷ་མོ དེ་ཉིད་རང་གི་དབང་དུ་བྱའོ།།ཆོ་གའི་རིམ་པའོ། །དེ་ནས་དཀྱིལ་འཁོར་གྱི་ས་གཞི་བདུད་རྩི་ལྔ་དང་བཅས་པའི་དྲི་ཞིམ་པོས་ཡི་གེ་གསུམ་བརྗོད་ཅིང་བྱུག་པར་བྱས་པ་དང་། མེ་ཏོག་གིས་ཆལ་པར་བཀྲམ་ལ་ཁྲུས་བྱས་ཏེ་ལུས་དྲི་དང་ལྡན་པར་བྱ། ན་བཟའ་དཀར་པོ་བགོ། གསུང་ བར་འགྱུར་བའི་འཁོར་ལོ་ལ་སོགས་པའི་སྔགས་ཀྱི་བྱིན་གྱིས་བརླབས་པའི་མེ་ཏོག་གི་ཕྲེང་བས་སྐུ་ལ་བརྒྱན་ལ།དཀྱིལ་འཁོར་གྱི་ས་གཞིའི་དབུས་སུ་གནས་ཏེ། ཁ་ཤར་དུ་ཕྱོགས་པའི་སློབ་དཔོན་བཅོམ་ལྡན་འདས་མའི་རྣལ་འབྱོར་དང་ལྡན་པས་ལྷ་མོ་རྣམས་ཀྱི་གནས་རྣམས་ ལ་བདུད་རྩི་དང་བཅས་པའི་དྲི་ཞིམ་པོས་མཎྜལ་བྱས་ཏེ།དམ་ཚིག་གི་དཀྱིལ་འཁོར་ཇི་ལྟ་བ་བཞིན་དུ་རྣམ་པར་བསྒོམས་ལ། དེ་རྣམས་ལ་ཡེ་ཤེས་ཀྱི་དཀྱིལ་འཁོར་གཞུག་པར་བྱ་སྟེ། སྒྲུབ་ཐབས་སུ་བཤད་པའི་ཆོ་གས་ཕྱིའི་མཆོད་པ་དང་བསྟོད་པ་དང་བདུད་རྩི་མྱང་བ་རྣམས་བྱས་ལ། དེ་ནས་བྱང་དུ་ཁ་ཕྱོགས་ཏེ། བསྒོམས་པའི་དཀྱིལ་འཁོར་ཕྱི་རོལ་གྱི་དབང་ལྡན་མཚམས་ན་གནས་པ་རྣམས་རྩ་བ་ནག་པོ་མ་ཡིན་པ། མཆུ་འཕྱང་བ། མགྲིན་པ་རིང་བ། ལྟོ་བ་ཆེ་བ་ཙནྡན་ལ་སོགས་པ་དཀར་བས་བྱུགས་པ། ལྷ་མོ་རྣམས་ཀྱི་མཚན་མ་བཏགས་པ་བདུད རྩི་ལྔ་དང་དྲི་ཞིམ་པའི་ཆུ་དང་།རིན་པོ་ཆེ་དང་། འབྲུ་སྣ་ལྔ་དང་སྨན་ལྔ་རྣམས་ཀྱིས་གང་བ། མཛེས་པའི་ཤིང་ལོ་ལྔས་བརྒྱན་པ། དྲི་མ་དང་བྲལ་བའི་རས་ཟུང་གིས་མགྲིན་པ་དཀྲིས་པ། གསུང་བར་འགྱུར་བའི་དཀྱིལ་འཁོར་གྱི་མཚན་མས་རིམ་པ་བཞིན་དུ་མཚན་མ་དང་ལྡན་ པ་རྣམས་དཀྱིལ་འཁོར་གྱི་རྣམ་པས་དེ་དང་དེ་རྣམས་དྲི་ཞིམ་པོའི་མཎྜལ་བྱས་པའི་སྟེང་དུ་ཇི་ལྟར་རིགས་པའི་གདན་རྣམས་ཀྱི་སྟེང་དུ་གཞག་པར་བྱའོ།།དེ་ལ་ཧཱུཾ་ཡིག་ལན་བདུན་བརྗོད་ཅིང་བཅིང་བའི་སྐུད་པ་དཀར་པོ་བདུན་གྱིས་དཀྲི་བར་བྱ་བ་ནི། ཨོཾ་བཛྲ་ཤེ་ཁ་རེ་རུ་ཊ་མ་ཊ་དི་ཤཱཾ་བནྡྷ་བནྡྷ་ཧཱུཾ་ཞེས་ པའི་སྔགས་ཀྱིས་སོ།།དེ་ནས་སྟོང་པའི་ངང་ལས་བཾ་ཡིག་ཡོངས་སུ་གྱུར་པ་ལས་བྱུང་བའི་རིན་པོ་ཆེའི་གཟུགས་སུ་གསེར་ལ་སོགས་པ་ལས་བྱུང་བའི་བུམ་པ་རྣམས་ལྷག་པར་གནས་པར་བྱའོ། །དེ་ཡང་དཀྱིལ་འཁོར་གྱི་དབྱེ་བས་བུམ་པའི་དབྱེ་བ་ཤེས་པར་བྱས་ལ། ལས་ ཐམས་ཅད་ལ་ཁཎྜ་རོ་ཧ་དང་བཅས་པའོ།།གལ་ཏེ་ལྷ་གྲངས་དང་མཉམ་པ་ལྟར་ན་ཡང་ལས་ཐམས་ཅད་པ་ཡིས་ལྷག་པའོ། །དེ་ཡང་བྱ་བ་མང་པོའམ་གཙོ་བོར་བྱེད་པའི་དོན་དུ་རྣམ་རྒྱལ་གྱི་བུམ་པའི་སྟེང་དུ་དུང་ངམ་ཐོད་པ་བདུད་རྩི་དང་དྲི་ཆུ་དང་བཅས་པ་དང་། མེ་ཏོག་གི་ཕྲེང་བས་བཅིངས་པའི་རྡོ་རྗེ་ཧཱུཾ་ ཞེས་བརྗོད་ཅིང་གཞག་གོ་།དེ་ནས་ཨོཾ་བཛྲ་ཨུ་ད་ཀ་ཋཿ་ཧཱུཾ་ཞེས་པ་དང་། ཡི་གེ་གསུམ་ལན་བདུན་དུ་བཟླས་ཏེ་ཡེ་ཤེས་ཀྱི་བདུད་རྩིར་བྱིན་གྱིས་བརླབ་པོ། །བུམ་པའི་ནང་རྣམས་སུ་ཨོཾ་ཏཔྟེ་མ་ཧཱ་ཏཔྟེ་སྭཱ་ཧཱ་ཞེས་པས་སྤྱན་དྲངས་པའི་ཆུའི་རང་བཞིན་ལས་གདན་དང་བཅས་པའི་ལྷ་མོའི་འཁོར་ལོ་རྣམས་ སྐད་ཅིག་གིས་རྣམ་པར་བསྒོམས་ལ་ཡེ་ཤེས་སེམས་དཔའ་སྤྱན་དྲངས་ལ་རོ་གཅིག་ཏུ་གྱུར་པ་ཡན་ཆད་བྱ།མཚན་མ་ལ་ཡང་དམ་ཚིག་གི་ལྷ་མོ་རྣམས་ཡེ་ཤེས་ཀྱི་ལྷ་མོ་རྣམས་དང་རོ་གཅིག་ཏུ་གྱུར་བར་བསམ་མོ། །དེ་ནས་ཧཱུཾ་ཞེས་བརྗོད་ཅིང་རྡོ་རྗེ་མེ་ཏོག་དང་བཅས་པ་གཡས་པས་བཟུང་ལ་འཁོར་ལོའི་གཙོ་མོའི་སྙིང་པོའི་ སྔགས་བརྒྱ་རྩ་བརྒྱད་བཟླས་བའམ།ོཾ་བཛྲ་ཨུ་ད་ཀ་ཧཱུཾ་ཞེས་པ་བཟླས་པའོ། །དེ་ལྟར་ཁཎྜ་རོ་ཧ་མངོན་པར་བཟླས་ལ་མེ་ཏོག་གསུམ་དེར་གཞུག་པར་བྱའོ། །བུམ་པ་གཞན་དེ་དང་དེར་ལྷ་དེ་ཉིད་ཀྱིས་བརྒྱ་རྩ་བརྒྱད་དམ་བདུན་བཟླས་པར་བྱའོ། །དེ་རྣམས་ཡང་དག་པར་མཆོད་ནས་ ལས་ཐམས་ཅད་པའི་བུམ་པའི་ཆུའི་ཤིང་ལོས་བསྲུང་བའི་དོན་དུ་བསང་གཏོར་བྱས་པ་དང་།ཇི་སྲིད་དཀྱིལ་འཁོར་གྱི་བྱ་བ་མ་རྫོགས་ཀྱི་བར་དུ་བགེགས་རྣམས་བསྲུང་བ་གྱིས་ཤིག་ཅེས་བརྗོད་ནས་གཏོར་མ་བྱིན་ལ་རེག་ལ། མི་བསྐྱོད་རྡོ་རྗེ་ཞེས་བྱ་བ་ལ་སོགས་པས་བསྟན་ཏེ་དྲིལ་བུ་ དཀྲོལ་ལོ།།བུམ་པ་དེ་རྣམས་ནས་ཆུ་ཅུང་ཟད་རེ་བླངས་ལ་དཀྱིལ་འཁོར་གྱི་ལྷོ་སྒོའི་ཤར་དང་ཉེ་བ་རུ་མཉྫིའི་སྟེང་དུ་དུང་ལ་སོགས་པ་བཞག་པ་ནས། བདག་ཉིད་ཀྱིས་སློབ་མ་ལ་བསང་གཏོར་བྱའོ། །བུམ་པ་རྣམས་ལ་མཆོད་པ་ཉིན་རེ་བཞིན་དུ་དུས་གསུམ་དུ་བྱའོ། །འདི་ནི་བུམ་པ་ལྷག་པར་ གནས་པའི་ཆོ་གའི་རིམ་པའོ།།དེ་ནས་གསང་བའི་རྒྱན་རྣམས་ཀྱིས་བརྒྱན་པ་དེས་དྲི་དང་མེ་ཏོག་གིས་ལྷ་གནས་བཀོད་ལ། དཀྱིལ་འཁོར་དེ་ལ་རྣལ་འབྱོར་བྱ་བ་ནི་བདག་ཉིད་ཀྱི་སྙིང་གའི་འོད་ཟེར་གྱིས་སྤྱན་དྲངས་པའི་རྡོ་རྗེ་རྣལ་འབྱོར་མས་གཙོ་བོ་བྱས་པའི་ལྷ་མོའི་འཁོར་ལ་གནས་པ་རྣམས་ལ་ཞབས་ བསིལ་ལ་སོགས་པ་བྱིན་ཏེ།བར་མ་དང་མཆོག་དང་དབུས་དང་དྲི་དང་བཅས་པའི་ཆུ་དང་མེ་ཏོག་ལ་སོགས་པས་མཆོད་ནས་བསྟོད་དེ་བདུད་རྩི་མྱང་བ་དང་། པུས་མོ་གཡས་པ་ས་ལ་བཙུགས་ཏེ་ལྕེ་ཧཱུཾ་ལས་བྱུང་བའི་རྡོ་རྗེ་རྩེ་གཅིག་པ་ཧཱུཾ་གིས་མཚན་པར་བསྐྱེད་ལ། ལག་པས་སྤོས་སྣོད་བཟུང་ སྟེ་དྲིལ་བུ་དཀྲོལ་ཞིང་བརྗོད་པ།བཅོམ་ལྡན་རྡོ་རྗེ་ཕག་མོ་ཉིད། །རིག་པའི་རྒྱལ་མོ་ལ་ཕྱག་འཚལ། །ལྷན་སྐྱེས་འགྱུར་བའི་དཀྱིལ་འཁོར་འདིར། །མགོན་པོ་བྲི་བར་འཚལ་པ་ཡིན། །སློབ་མ་རྗེས་སུ་གཟུང་ཕྱིར་དང་། །ཁྱོད་ལ་མཆོད་པར་བྱ་བའི་ཕྱིར། །བདག་ནི་བཅོམ་ལྡན་མ་ལ་ གུས།།བཀའ་དྲིན་གྱིས་ནི་གནང་བར་རིགས། །ལྷ་མོ་རྣམས་ཀྱི་ཐུགས་རྗེ་ཡིས། །འགྲོ་ལ་འཁོར་བའི་བྱ་བ་བྱིན། །འབྲས་བུ་ལ་གནས་བྱང་ཆུབ་སེམས། །གཞན་ཡང་སྔགས་ཀྱི་ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །འབྱུང་པོ་བྱང་ཆུབ་ལ་ཕྱོགས་ དང་།།བསྟན་པ་སྐྱོང་བའི་སེམས་ཅན་ཏེ། །གང་ཞིག་རྡོ་རྗེའི་སྤྱན་ལྡན་རྣམས། །བདག་ནི་རྡོ་རྗེ་ཆེ་གེ་ཆེ། །གུས་དང་བཅས་པས་ཞབས་ཏོག་ཏུ། །རྡོ་རྗེ་ཕག་མོའི་དཀྱིལ་འཁོར་ནི། །འགྲོ་བ་དག་ཕྱིར་བྲི་བར་བྱ། །སློབ་མ་དང་བཅས་བདག་ཉིད་ལ། །རྗེས་སུ་བརྩེ་བ་དང་ལྡན་པས། ། དཀྱིལ་འཁོར་མ་ལུས་པ་རྣམས་དང་། །ཉིད་ནི་ཉེ་བར་གནས་པར་རིགས། །ཞེས་པའི་དོན་ཤེས་པར་བྱས་ལ་གསོལ་བ་གདབ་པར་བྱ་བ་དང་། དེ་ནས་དེ་ཉིད་དུ་དམ་ཚིག་ཅན་འདུ་བར་བྱའོ། །དེ་ནི་ལྷ་ལྷག་པར་གནས་པའི་ཆོ་གའི་རིམ་པའོ། །དེ་དེ་ལྟར་དཀྱིལ་འཁོར་ལ་མཆོད་པ་བྱས་ཏེ་ཤིན་ཏུ ལེགས་པར་བརྟགས་པའོ།།ང་རྒྱལ་ལ་སོགས་པའི་སྐྱོན་དང་བྲལ་བ། དགེ་བསྙེན་ལ་སོགས་པའི་བསླབ་པ་དང་ལྡན་པ། ཐོས་པ་ལ་སོགས་པའི་ཕ་རོལ་ཏུ་སོང་བ། བཅོམ་ལྡན་འདས་བདེ་མཆོག་དང་རྡོ་རྗེ་རྣལ་འབྱོར་མ་མཉེས་པར་བྱེད་པས་མཎྜལ་སྔོན་དུ་སོང་བ་དང་། པུས་མོ་ས་ལ་ བཙུགས་ཏེ་མེ་ཏོག་སྙིམ་པར་ཐོགས་པའི་སློབ་མ་རྣམས་ལ།འཇིག་རྟེན་འདི་ལ་བདེ་དོན་དང་། །འཇིག་རྟེན་ཕ་རོལ་བདེ་དོན་ཏེ། །འོན་ཀྱང་སངས་རྒྱས་ཐོབ་དོན་ཏོ། །བློ་དང་ལྡན་པས་འཇུག་པར་བྱ། །ཞེས་པའི་དོན་བཤད་པ། སྐད་ཅིག་གིས་ཤེས་རབ་དང་ ཐབས་ཀྱི་བདག་ཉིད་དུ་བསྐྱེད་པ་དང་།དེ་ཉིད་ཁ་ནས་བཅུག་སྟེ་ལྷ་མོའི་པདྨ་ལ་གནས་པ་ལ་བདག་ཉིད་ཀྱིས་དབང་བསྐུར་བས་རྡོ་རྗེ་ཕག་མོའི་གཟུགས་སུ་བསྒོམ་ཞིང་། དཀྱིལ་འཁོར་གྱི་ཕྱི་རོལ་ན་གནས་པ་རྣམས་གསོལ་བ་འདེབས་སུ་གཞུག་པ་ནི། སྐྱེ་དང་རྒས་དང་འཆི་བ་དང་། །ཆུ་ སྲིན་ལ་སོགས་འཇིགས་པ་ཡི།།འཁོར་བའི་རྒྱ་མཚོ་ལས་འདོན་ཁྱོད། །ང་ལ་སྟོན་པ་མགོན་པོ་ཆེ། །བདེ་བ་ཆེན་པོ་བདག་འཚལ་བས། །བྱང་ཆུབ་ཆེན་པོའི་ལམ་བསྟན་པ། །དམ་ཚིག་དེ་ནི་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་ འདུན་དང་།།སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་ཁྱེར་དུ། །མགོན་པོ་བདག་ནི་གཞུག་ཏུ་གསོལ། །དཔའ་བོ་དཔའ་མོའི་དབང་ཕྱུག་མ། །ཕག་མོ་ཧེ་རུ་ཀ་ཉིད་དང་། །གསང་བའི་གནས་སོགས་རྣམ་པར་དག་།ལུས་ལ་གནས་པ་གསུང་བར་ཞུ། །ཞེས་ བརྗོད་དེ།སློབ་མ་གཅིག་གཙོ་བོར་བྱས་པ་མདུན་དུ་བཞག་ནས། བུ་ཚུར་ཐེག་པ་ཆེན་པོ་ལ། །སྔགས་ཀྱི་སྤྱོད་པའི་ཆོ་ག་ཡིས། །ཁྱོད་ནི་ལམ་ཆེན་སྣོད་ཡིན་པས། །ཁྱོད་ལ་ཡང་དག་གསོལ་བ་འདེབས། །འདས་པའི་སངས་རྒྱས་གང་དག་དང་། །དེ་ལྟར་ཡང་དག་མ་བྱོན་དང་། ། ད་ལྟར་བྱུང་བའི་སངས་རྒྱས་གང་། །འགྲོ་ལ་ཕན་ཕྱིར་བཞུགས་པ་དང་། །དེ་དག་ཀུན་གྱི་གསང་བ་ཡི། །ཆོ་ག་བཟང་པོ་འདི་རྣམས་ཀྱིས། །ཐབས་དང་ཤེས་རབ་གཉིས་མེད་པའི། །སངས་རྒྱས་ཐམས་ཅད་མཁྱེན་པ་ཐོབ། །ཤཱཀྱ་སེང་གེ་ལ་སོགས་ཀྱིས། །བདུད་སྡེ་ཤིན་ཏུ མི་བཟད་པ།།སྟོབས་ཆེན་རྣམས་ཀྱང་གསང་སྔགས་ཀྱི། །སྦྱོར་བ་མཉམ་པ་མེད་པས་བཅོམ། །དེ་བཞིན་ཐམས་ཅད་མཁྱེན་ཐོབ་ཕྱིར། །བུ་ལ་གང་དང་གང་འདོད་པའི། །ཆོ་ག་མ་ལུས་སྦྱིན་པར་བྱ། །བྱང་ཆུབ་དངོས་གྲུབ་ཐོབ་པར་གྱིས། །ཞེས་པ་བརྗོད་དོ། ། སངས་རྒྱས་ཆོས་དང་དགེ་འདུན་ཏེ། །ངེས་པར་གསུམ་ལ་སྐྱབས་སུ་མཆི། །འཁོར་ལོ་གསུམ་གྱི་རང་བཞིན་ཅན། །བྱེ་བྲག་མཁའ་འགྲོ་མ་རྣམས་དང་། །དཔའ་བོ་དཔའ་མོའི་དབང་ཕྱུག་མ། །རྒྱལ་བའི་སྲས་རྣམས་མ་ལུས་དང་། །ཐམས་ཅད་གུས་པའི་རང་བཞིན་གྱིས། །བླ་མ རྣམས་ལ་སྐྱབས་སུ་མཆི།།ཞེས་པ་ལན་གསུམ་བརྗོད་དོ། །དེ་ནས་ཐུན་མོང་གི་སྡོམ་པ་འཛིན་དུ་གཞུག་ཅིང་བྱང་ཆུབ་ཀྱི་སེམས་བསྐྱེད་པར་བྱ་བ་དང་། བྱེ་བྲག་གི་སྡོམ་པ་འཛིན་དུ་གཞུག་པ་ནི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་ མིང་འདི་ཞེས་བགྱི་བས་དུས་འདི་ནས་བཟུང་སྟེ།ཇི་སྲིད་སྙིང་པོ་བྱང་ཆུབ་ལ་མཆིས་ཀྱི་བར་དུ། བྱང་ཆུབ་སེམས་ནི་བླ་མེད་པ། །མཆོག་ཏུ་བསྐྱེད་པར་བྱ་བ་ནི། །ཇི་ལྟར་ཇི་སྲིད་མགོན་རྣམས་ཀྱིས། །བྱང་ཆུབ་ཏུ་ནི་ངེས་མཛད་ལྟར། །ཚུལ་ཁྲིམས་སྡོམ་པའི་རྣམ་པ་དང་། །དགེ་བའི་ཆོས་ ནི་སྡུད་པ་དང་།།སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོ་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དུས་འདི་ནས་ནི་གཟུང་བར་བགྱི། །སངས་རྒྱས་རྣལ་འབྱོར་སྡོམ་པ་ནི། །རྡོ་རྗེ་རིགས་མཆོག་ ཆེན་པོ་ལ།།རྡོ་རྗེ་དྲིལ་བུ་ཕྱག་རྒྱ་རྣམས། །སོ་སོའི་རང་བཞིན་གཟུང་བར་བགྱི། །སློབ་དཔོན་དག་ཀྱང་གཟུང་བར་གྱི། །ཉིན་རེ་བཞིན་དུ་དུས་དྲུག་ཏུ། །རིན་ཆེན་རིགས་མཆོག་ཆེན་པོ་ལ། །དམ་ཚིག་ཡིད་དུ་འོང་བ་ཡི། །སྦྱིན་པ་རྣམ་བཞི་རབ་ཏུ་སྦྱིན། །བྱང་ཆུབ་ཆེན་པོ་ལས་ བྱུང་བའི།།པདྨའི་རིགས་མཆོག་དག་པ་ལ། །ཕྱི་དང་གསང་བའི་ཐེག་པ་གསུམ། །དམ་པའི་ཆོས་རྣམས་སོ་སོར་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པ་ནི། །སོ་སོར་ཡོངས་སུ་གཟུང་བར་བགྱི། །མཆོད་པའི་ལས་ཀྱང་གུས་པར་བགྱི། ། བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སྡོམ་པ་ཐམས་ཅད་ལྡན་པ་ནི། །སེམས་ཅན་ཀུན་གྱི་དོན་གྱི་ཕྱིར། །མ་བསྒྲལ་བ་རྣམས་སྒྲོལ་བར་བགྱི། །མ་གྲོལ་བ་རྣམས་གྲོལ་བར་བགྱི། །དབུགས་མ་ཕྱུང་བ་དབུགས་དབྱུང་བགྱི། །སེམས་ཅན་མྱ ངན་འདས་ལ་དགོད།།ཅེས་པ་ལན་གསུམ་བརྗོད་དོ། །དེ་ནས་གོ་ཆ་དྲུག་གི་སྔགས་ཀྱིས་བསྲུངས་ལ་གནས་གསུམ་བྱིན་གྱིས་བརླབ་སྟེ། ཡང་དེ་རྣམས་སུ་དྲིའི་ཆུ་དང་རྡོ་རྗེས་རེག་ནས་མེ་ཏོག་ལ་སོགས་པས་མགོ་བོ་ལ་སོགས་པ་མཆོད་དོ། །དེ་ནས་ བྱང་ཆུབ་ཀྱི་ཤིང་ལ་སོགས་པ་ལས་བྱུང་བའི་ཤིང་སོར་བཅུ་གཉིས་པ་རྩེ་མོའི་ཆ་ལ་མེ་ཏོག་དང་བཅས་པ་སློབ་མ་ལ་སྦྱིན་ནོ།།དེ་ནས་མཎྜལ་གྲུ་བཞི་པ་ཕྱོགས་རེ་ལ་ཁྲུ་རེ་དང་ལྡན་པ་ལ། །བ་ལང་ལྕི་བ་ལ་སོགས་པ་བྱུགས་པ་དེར་བྱང་ངམ་ཤར་དུ་ཁ་བལྟ་བར་སོ་ཤིང་དོར་བ་ནི། ཨོཾ་ བཛྲ་ཧ་ས་ཧཾ་ཞེས་བརྗོད་དེ་རྩེ་མོ་བསྟན་ནས་སྟེང་དུ་ལྟོས་པ་མེད་པར་དོར་ལ།།འབྱུང་བར་འགྱུར་བའི་དངོས་གྲུབ་དེས་བརྟག་པ་ནི་ཤར་ལ་སོགས་པས་ཞི་བ་ལ་སོགས་པ་དྲུག་དང་། མཎྜལ་གྱི་ཕྱི་རོལ་དུ་སོང་ན་དངོས་གྲུབ་མེད་དོ་ཞེས་བརྗོད་དོ། །དེ་ནས་བཾ་ལས་བྱུང་བའི་དྲི་ཆུ་ལ་ལན་བདུན་ བཟླས་པ་དང་།ོཾ་ཧྲཱིཿ་བི་ཤུདྡྷ་དྷརྨ་སརྦ་པཱ་པ་ནི་ཙཱསྱ་ཤོ་དྷ་ཡ་སརྦ་བི་ཀ་ཝན་ཨ་པ་ན་ཡ་ཧཱུཾ་ཞེས་པ་ལན་གསུམ་དུ་བརྗོད་ཅིང་ཁྱོར་བར་བྱིན་ཏེ་འཐུང་དུ་གཞུག་གོ། །དེ་ནས་ཧཱུཾ་ལས་བྱུང་བའི་ཀུ་ཤ་ལ་དེ་ཉིད་ལན་བདུན་བཟླས་ཏེ། སྟན་གྱི་དོན་དང་། ཡང་དྷཱིཿ་ལས་བྱུང་བ་ལ་དེ་ཉིད་ལན་བདུན་ བཟླས་ཏེ་སྔས་ཀྱི་དོན་དུའོ།།ོཾ་བཛྲ་ཏཱིཀྵྞ་ཞེས་པའི་སྔགས་ཀྱིས་སྦྱིན་པར་བྱའོ། །དེ་ནས་སྐུད་པ་མདུད་པ་གསུམ་བྱས་པ་དཔུང་པ་གཡོན་པ་ལ་བཏགས་པ་ནི། ཨོཾ་བུདྡྷ་མཻ་ཏྲི་རཀྵ་རཀྵ་སརྦཱ་ན་སྭཱ་ཧཱ། ཞེས་པ་བརྗོད་ཅིང་བཅིངས་པས་སོ། །བཅོམ་ལྡན་འདས་མའི་སྔགས་ལན་བདུན་བཟླས་ ཏེ་མེ་ཏོག་གིས་ཐོད་བྱའོ།།དེ་ནས་གཟེངས་བསྟོད་པ་ནི། །བསྐལ་པ་བྱེ་བ་གྲངས་མེད་པར། །སྔོན་དུ་སྡིག་པ་གང་བགྱིས་པ། །དཀྱིལ་འཁོར་འདི་འདྲ་མཐོང་བ་ཡིས། །དེ་དག་ཐམས་ཅད་ཟད་པར་འགྱུར། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་དྲི་མེད་པར། ། སྡུག་བསྔལ་རྣམས་ལ་གནས་པ་ཡིས། །ངན་སོང་སྐྱེ་བ་འཇོམས་པར་འགྱུར། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །དེ་ཕྱིར་རྒྱལ་བ་སྲས་བཅས་པས། །བསྟན་པ་འདི་ལ་ཁྱེད་རྣམས་ཀྱིས། །ཐམས་ཅད་ཡོངས་སུ་གཟུང་བར་གྱིས། །བདག ཉིད་ཆེན་པོར་བསྐྱེད་པ་དེས།།ཁྱེད་རྣམས་ཐེག་པ་ཆེན་པོ་ལ། །ལེགས་པར་བགྲོད་པར་འགྱུར་བ་ཡིན། །དེ་ཕྱིར་འདི་ནི་ལམ་གྱི་མཆོག་།ཐེག་པ་ཆེན་པོ་འབྱུང་བའི་གཞི། །གང་ཞིག་འདི་ལ་འགྲོ་འགྱུར་བ། །དེ་བཞིན་གཤེགས་པ་རྣམས་སུ་འགྱུར། །ཞེས་པས་སོ། །དེ་ནས་ཆོ་ གའི་སྔགས་ཀྱིས་བསྲུང་སྟེ།སྔགས་དེ་ཉིད་བཟླས་པའི་དོན་དུ་བྱིན་ལ། ནང་པར་སྔ་བར་རྨི་ལམ་ཟློས་ཤིག་ཅེས་བརྗོད་ལ་འདུ་འཛི་མེད་པའི་གནས་སུ་སེང་གེ་ལྟར་ཉལ་དུ་གཞུག་གོ། །བདག་ཉིད་དཀྱིལ་འཁོར་གྱི་ཁང་པར་ཞུགས་ལ་བཅོམ་ལྡན་འདས་མའི་སྔགས་བཟླས་པར་བྱའོ། །འདི་ནི་ སློབ་མ་ལྷག་པར་གནས་པའི་ཆོ་གའི་རིམ་པའོ།། །།དེ་ནས་ཕྱག་རྒྱ་དྲུག་གིས་རྒྱས་བཏབ་ལ་བཅོམ་ལྡན་འདས་མའི་རྣལ་འབྱོར་མ་དང་ལྡན་པས་ལྷག་པར་གནས་པར་བྱ་བའི་དཀྱིལ་འཁོར་གྱི་ལྷ་མོ་རྣམས་ཡེ་ཤེས་ཀྱི་ཐིག་གི་དོན་དུ་ལྷ་རྣམས་ནམ་མཁའ་ལ་བཏེག་ལ་ཤར་ཕྱོགས་སུ་ཁ ཕྱོགས་པས་མཚན་མ་རྙེད་པ་དང་།མེ་ཏོག་གིས་བརླན་པའི་ཤི་བའི་སྐུད་པའམ། དཔའ་བོ་ལ་ཉོས་པ་གཞོན་ནུ་མས་བཀལ་བ་ཇི་ལྟ་བ་བཞིན་བཙོས་པ་ཐོད་པ་ལྔའི་ནང་དུ་བཞག་ལ། ཡུངས་ཀར་གྱི་ཕྱེ་མ་དང་བདུད་རྩི་ལྔ་ཡིས་སྦགས་པ་དང་། ལག་པ་གཡོན་པའི་མཐིལ་ནས་སོར་མོའི་ རྩེ་མོའི་བར་དུ་བཀྲམ་ལ།མདུན་གྱི་ནམ་མཁའ་ལ་སྐད་ཅིག་གིས་མཁའ་འགྲོ་མ་ལ་སོགས་པ་མོས་པ་བྱས་ནས། དེ་རྣམས་ཀྱི་སྙིང་ག་ནས་ཡེ་ཤེས་ཀྱི་སྐུད་པ་འོད་ཟེར་གྱི་རང་བཞིན་གནས་པ་ལ། །ོཾ་ཨཱཿ་བཛྲ་ཌཱ་ཀི་ནཱི་བཛྲ་སཱུ་ཏྲེ་མེ་པྲ་ཡཙྪ་མ་ཧཱ་མཎྜལ་སཱུ་ཏྲ་ན་ཡ་ཧཱུཾ་ཞེས་པས་མཁའ་ འགྲོ་མ་ལ་གསོལ་བ་གདབ་པའོ།།དེ་ལྟར་མིང་བརྗེས་པས་བླ་མ་ལ་སོགས་པ་ལ་ཡང་གསོལ་བ་གདབ་པོ། །དེ་ནས་མིག་གཉིས་ལ་ཛྲཿ་ཡིག་ལས་བྱུང་བའི་ཟླ་བ་དང་ཉི་མ་སེར་པོའི་བདག་ཉིད་བསམས་ལ། ཨོཾ་དྲྀཥྚི་ཨཾ་ཀུ་ཤ་ཛཿ་ཞེས་པ་བརྗོད་པ་དེ་རབ་ཏུ་གཡོ་བའི་མིག་གི་རྫི་མ་ལ་འོད་ཟེར་ལྕགས་ ཀྱུའི་རྣམ་པ་སྤྲོས་པས་མཁའ་འགྲོ་མ་ལ་སོགས་པ་བསྐུལ་ནས་སྤྱན་དྲངས་ཏེ།ལག་པ་ལ་གནས་པའི་རང་རང་གི་ཁ་དོག་དང་ལྡན་པའི་སྐུད་པ་ལ་བསྟིམ་མོ། །དེ་ནས་སློབ་མ་ཁཎྜ་རོ་ཧའི་ཆ་བྱད་བྱས་པ་དང་བཅས་པས། དང་པོ་སྐུད་པ་ལྔ་ལྔ་ལོགས་སུ་བསྒྲིམས་ཏེ་དེ་ནས་དེ་ལྟར་ལྔ་པོ་རྣམས་ གཅིག་ཏུ་བྱའོ།།དེ་ལྟར་ལྔ་གཅིག་ཏུ་བྱས་པའི་སྐུད་པ་ལ་ཨོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿ་སྥ་ར་སྥ་རཱ་ནུ་པྲ་ཝིཥཊཿ་སརྦ་དྷརྨཱཿ་ཨ་ཏྱན་ཏཱ་ནུ་པ་ཝིཥྚཿ་སརྦ་དྷརྨཱཿ་ཨོཾ་ཨཱཿ་ཧཱུཾ་ཞེས་བརྗོད་ཅིང་དཀྱིལ་འཁོར་གྱི་ཉིས་འགྱུར་གྱིས་རིང་བ་ལ། །སློབ་དཔོན་གྱིས་མཐེ་བོའི་ནས་ཚད་དུ་བསྒྲིམ་པར་ བྱའོ།།དེ་ཉིད་པདྨའི་སྣོད་དུ་བཞག་ལ་མེ་ཏོག་དང་བདུད་རྩི་ལྔ་ལ་སོགས་པས་སྔགས་ཏེ་མེ་ཏོག་ལ་སོགས་པས་མཆོད་ནས། ཕྲེང་བ་དང་སྙིང་པོ་དང་ཉེ་བའི་སྙིང་པོའི་སྔགས་ཀྱིས་བྱིན་གྱིས་བརླབས་ལ། ཨོཾ་བཛྲ་སཱུ་ཏྲ་ས་མ་ཡ་མཱ་ཏི་ཀྲ་མ་ཧཱུཾ་ཞེས་པས་ལྷག་པར་གནས་པར་བྱས་ནས། ཨོཾ་ སརྦ་སཾ་ཤོ་ནི་ཧཱུཾ་ཕཊ་ཅེས་སྔགས་ཀྱིས་བུམ་པའི་ཆུས་དཀྱིལ་འཁོར་གྱི་ས་གཞི་ལ་མངོན་པར་གཏོར་བ་དང་།དྲི་ཡིས་ཀྱང་ཉེ་བར་བྱུག་པར་བྱ་སླ། །དྲི་བྱའི་དཀྱིལ་འཁོར་ནམ་མཁའ་ལ་མངོན་པར་དམིགས་ཏེ། ཡོན་ཆབ་སྔོན་དུ་སོང་བའི་སྒོ་ནས་ཡང་དག་པར་མཆོད་ལ། རང་ དང་སློབ་མའི་མིག་གཉིས་སུ་ཛཿ་ལས་བྱུང་བའི་ཟླ་བ་དང་ཉི་མའི་འོད་ཟེར་དང་ལྡན་པ་བསྒོམས་ཏེ།རྡོ་རྗེ་ཕྱེད་པའི་འདུག་སྟངས་ཀྱིས་སྐུད་པ་ལག་པ་གཡོན་པས་ལྟེ་བར་བཟུང་བ་དང་། ཛྫཿཛྫཿཛྫཿཞེས་བརྗོད་ཅིང་བསྒྱུར་རོ། །བྱང་ཕྱོགས་ཀྱི་སྒྲུབ་པ་པོས་ཀྱང་དེ་ལྟར་བཟུང་ལ་དེ་ལྟར་བརྗོད་ཅིང་ སྐུད་པ་བླངས་ཏེ་ནུབ་ཕྱོགས་སུ་བསྡད་ནས་ཤར་ཕྱོགས་དང་།ལྷོ་ཕྱོགས་སུ་བསྡད་ནས་བྱང་ཕྱོགས་སུ་ལྟེ་བར་མཚུངས་པར་ནམ་མཁའི་ཐིག་གདབ་པ་ནི་བྱང་དང་ཤར་དུ་བསྡད་པ་ལག་པ་གཡས་པ་རྡོ་རྗེ་དང་བཅས་པ་མཐེ་བོང་དང་གུང་མོས་སེ་གོལ་གཏོགས་བཞིན་པས་སོ། །དེ་ཡང་ཐིག་འདེབས་ པའི་དུས་ཐམས་ཅད་དུ་ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ་ཧཱུཾ་ཨོཾ་སྭཿ་ཨཱ་ཞེས་བརྗོད་ཅིང་བཏབ་པས་དེའི་སྒྲ་ཡིས་དཔའ་བོ་དང་དཔའ་མོ་རྣམས་ཀྱིས་ནམ་མཁའི་ཁམས་གང་ནས་སྐུད་པ་ལ་ཐིམ་པར་བསམ་མོ།།ཐིག་འདེབས་པའི་དུས་ཐམས་ཅད་དུ་སློབ་དཔོན་དང་བྱང་ཕྱོགས་ཀྱི་སྒྲུབ་པ་པོས་གཡོན་ སྐོར་གྱིས་ཕྱོགས་ཀུན་དུ་འགྲོ་བར་བྱ་ཞིང་ཕྱོགས་ཐམས་ཅད་མཉམ་པའི་རང་བཞིན་དུ་བསམ་པར་བྱའོ།།ནམ་མཁའི་ཐིག་དང་མཚུངས་པར་ཕབ་སྟེ་ཚངས་ཐིག་གཉིས་པོ་ཡང་དག་པར་བྱའོ། །རླུང་དུ་བསྡད་ནས་ཤར་དུ་ཁ་ཕྱོགས་པས་བྱང་ཕྱོགས་ཀྱི་རྩ་བའི་ཐིག་གོ། །དེ་ཉིད་དུ་བསྡད་ནས་ ནུབ་ཕྱོགས་དང་མེ་མཚམས་སུ་བསྡད་ནས་བྱང་ཕྱོགས་སུ་ཁ་ཕྱོགས་པས་ཤར་ཕྱོགས་དང་།དེ་ཉིད་དུ་བསྡད་ནས་ནུབ་ཏུ་ཁ་ཕྱོགས་པས་ལྷོ་ཕྱོགས་ཀྱི་རྩ་བའི་ཐིག་གོ་།བདེན་བྲལ་དུ་བསྡད་ནས་དབང་ལྡན་གྱི་མཚམས་ཀྱི་ཐིག་གོ། །མེ་མཚམས་སུ་བསྡད་ནས་རླུང་མཚམས་ཀྱི་ཐིག་གོ། ། དེ་ཉིད་ལས་བཟློག་པ་རྣམས་སུ་སློབ་མ་བསྡད་པས་ཐིག་གདབ་པར་བྱའོ། །དེ་ཡང་ཇི་ལྟར་གདབ་ན། ཕྲ་ན་ནད་བྱེད་ཆད་ན་བརླག་།བཀྲ་མི་ཤིས་ན་དངོས་གྲུབ་མེད། །གཡས་སུ་བསྐོར་ན་སློབ་མ་བརླག་།དེ་ནས་མཉམ་གཞག་ཐིག་གདབ་བྱ། །ཞེས་པའི་དོན་དང་ལྡན་པས་སོ། ། ཚངས་པའི་དོན་ཐིག་གི་ཕྱི་རོལ་གྱི་གཡས་དང་གཡོན་དུ་ཆ་གཉིས་དང་གཅིག་དང་གཉིས་གཅིག་དང་གཅིག་སྤངས་པ་ངེས་པར་སྒོ་ཁྱུད་ཀྱི་ནང་དང་ཕྱི་རོལ་དང་ལོགས་ཀྱི་ནང་ཕྱི་དང་ཀ་བའི་བར་དང་ཀ་བ་རྣམས་ཀྱི་ཐིག་གོ་།དེ་ནས་དབུས་སུ་སྐུད་པ་བཏགས་ལ་རྩ་བའི་ཐིག་ནས་ཚངས་པའི་ཐིག་གི་བར་དུ་ནང ནས་ནང་དུ་རེ་རེ་ཞིང་སྒོའི་ཚད་ཀྱི་བཞི་བསྐོར་རོ།།ཅིའི་ཕྱིར་ན། རྩ་བའི་ཐིག་ནས་བརྩམས་ནས་ནི། །ཟླུམ་པོ་བཞི་ཡི་ཐིག་ཉིད་ཀྱིས། །བསྐོར་ཏེ་འཁོར་ལོ་གསུམ་བྱ་བ། །སྒོ་ཡི་ཚད་ཀྱིས་ཤེས་པར་བྱ། །ལྷག་མ་པདྨའི་འདབ་མ་བརྒྱད། །ཚད་ལས་ཅུང་ཟད་ལྷག་ཆད་མིན། །རྡོ་རྗེ་པདྨ་ ལ་སོགས་ཕྲེང་།།ཐུགས་འཁོར་ལ་སོགས་མུ་ཁྱུད་དོ། །ཞེས་པས་སོ། །དེའི་ཕྱིར་དང་པོ་ནས་གསུམ་གྱི་ནང་དང་ནང་རྣམས་སུ་ཆ་ཕྱེད་པ་རྣམས་སྤངས་ཏེ་ཐིག་ཟླུམ་པོས་བསྐོར་བར་བྱའོ། །དེ་ནས་རྡོ་རྗེ་ཕྲེང་བའི་དོན་དུ་ཆ་གཅིག་བསྐོར་བར་བྱའོ། །དེ་ནས་ལྟེ་བའི་དོན་དུ་ཆ་ཕྱེད་དང་བཅས་ པའི་གཅིག་བསྐོར་བར་བྱའོ།།རྩིབས་སོ་སོའི་ཞིང་རྣམས་ལ་ཆ་དྲུག་དྲུག་གོ། །དེ་རྣམས་ཀྱི་བར་རྣམས་ལ་ཡང་རྡོ་རྗེ་ལ་སོགས་པས་བསྐོར་བར་གང་དག་འདོད་དོ། །རྩ་བའི་ཐིག་གི་རྒྱབ་ནས་ཆ་གཅིག་དང་གཉིས་དང་གཅིག་པ་གཅིག་དང་དྲུག་རྣམས་ཀྱིས་བསྐོར་བ་ལ་རྩིག་པའི་ཕྱིའི་ཐིག་དང་འདོད་ཡོན་དང་ རིན་ཆེན་ཕ་གུ་དང་དྲ་བ་དྲ་ཕྱེད་དང་བ་ཀུ་ལཱི་དང་ཀྲ་མ་ཤཱིཪྵ་དང་།རྟ་བབས་དང་ཆོས་ཀྱི་འཁོར་ལོ་དང་རྡོ་རྗེའི་རྩེ་མོ་དང་པདྨ་དང་རྡོ་རྗེའི་ར་བ་དང་མེ་རི་དང་དུར་ཁྲོད་རྣམས་ཀྱི་ཐིག་གདབ་བོ། །རྟ་བབས་ཀྱི་ཀ་བའི་སྟེང་གི་ཆུ་སྲིན་གྱི་ཁ་ནས་དར་དཔྱངས་ལ་སོགས་པ་ཇི་ལྟར་མཛེས་པར་བྱའོ། །རྟ་བབས་སྒོའི་སུམ་འགྱུར་ ཏེ།།དེ་ཉིད་སྣམ་བུ་བཅུ་གཅིག་པ། །ཞེས་གསུངས་པས་དེ་ཡང་གསེར་དང་བ་ཀུ་ལཱི་དང་རིན་ཆེན་སྣམ་བུ་དང་རྟ་རྨིག་དང་མུན་པའི་སྣམ་བུ་དང་། ཟླུམ་པོ་དང་མུན་པའི་སྣམ་བུ་དང་། བ་ཀུ་ལཱི་དང་རིན་ཆེན་སྣམ་བུ་དང་། རྟ་རྨིག་ཧར་མིའི་སྣམ་བུ་རྣམས་ལས་མུན་པའི་སྣམ་ བུ་གཉིས་ལས་ཆ་ཕྱེད་དང་བཅས་པའི་རེ་རེའོ།།གཞན་སྣམ་བུ་དགུ་ལ་ཆ་རེ་རེའོ། །དེ་ཡང་ཚངས་པའི་ཐིག་ལས་གཡས་དང་གཡོན་དུ་ཕྱེད་དང་བཅས་པའི་ཆ་ལྔ་ལྔ་སྤངས་ཏེ་ཕྱེད་དང་བཅས་པའི་ཆ་གཉིས་གཉིས་ནི་སྣམ་བུ་དང་པོའོ། །དེ་ལྟར་སྟེང་དང་སྟེང་རྣམས་སུ་རིམ་པ་ཇི་ལྟ་བ་བཞིན་དུ་ཆ་ དྲུག་དྲུག་སྤངས་ཏེ།ཕྱེད་དང་བཅས་པའི་ཆ་གསུམ་གསུམ་དང་ལྡན་པ་དང་། ཆ་བཞི་བཞི་སྤངས་ཏེ་ཆ་ལྔ་ལྔ་དང་ལྡན་པ་དང་། ཕྱེད་དང་བཅས་པའི་ཆ་གསུམ་སྤངས་ཏེ་ཕྱེད་དང་བཅས་པའི་ཆ་བཞི་བཞི་དང་ལྡན་པ་དང་། ཆ་གསུམ་གསུམ་སྤངས་ཏེ་ཆ་ལྔ་དང་ལྡན་པ་དང་། བདུན་ པ་ནས་སྣམ་བུ་བཞི་ལ་བདུན་བདུན་དང་ལྡན་པ་དང་།བཅུ་གཅིག་པ་ཆ་ལྔ་ལྔ་དང་ལྡན་པ་སྟེ། སྣམ་བུ་ཐམས་ཅད་ཀྱི་ཕྱི་དང་ནང་རྣམས་ཕྱིར་བྱུང་བ་དང་ནང་དུ་སོང་བའི་དབྱེ་བས་ཐིག་རེ་རེའོ། །རྟ་བབས་ཀྱི་སྟེང་དུ་ཆོས་ཀྱི་འཁོར་ལོ་ཆ་གཉིས་སོ། །དེའི་འགྲམ་དག་ཏུ་ཆ་གཉིས་ལ་ རི་དྭགས་དག་འཁོར་ལོ་ལ་བལྟ་བཞིན་པའོ།།སྣ་ཚོགས་རྡོ་རྗེའི་ལྟེ་བ་ལ་སྒོ་བཅུ་གཉིས་འགྱུར་རོ། །རྡོ་རྗེའི་རའི་རྩེ་ལ་ཆ་བཅུ་དྲུག་པའོ། །རའི་རྩེ་རྣམས་ཀྲ་མ་ཤཱིཪྵའི་སྟེང་ནས་སྦོམས་ལ་ཆ་གསུམ་པ་བགས་ཀྱིས་ཕྲ་བ་སྟེ། ཆོས་ཀྱི་འཁོར་ལོའི་ཕྱི་རོལ་གྱི་ཆ་གཉིས་ཀྱི་ས་ལ་དབུས་ཀྱི་ ར་ལ་ཕྱོགས་པའོ།།གང་དག་པདྨའི་གེ་སར་ལ་ཆ་གཉིས་འདོད་པ་ཡོད་དེ། རྡོ་རྗེའི་ར་དང་གེ་སར་གྱི་ས་གཞི་སྟེ་ཟུར་རྣམས་ལ་གདུགས་དང་དར་དཔྱངས་དང་བཅས་པ་ཆ་བཞི་ལའོ། །དེ་ནས་གཡོན་དང་གཡས་ཀྱི་མིག་དག་ལ་ཧྲཱིཿ་ཡིག་དག་ཟླ་བ་དང་ཉི་མར་བསྐྱེད་ལ་ཕྱོགས་བཞི་ རུ་བལྟ་ཞིང་བཅོམ་ལྡན་འདས་མའི་ང་རྒྱལ་བསྐྱེད་དེ།ཐར་པའི་སྒོ་རྣམ་པར་འགེགས་པའི་རང་བཞིན་གྱི་སྒྲིབ་པ་འཕྱག་པར་བསམས་ལ། ཧཱི་ཧཱིཿ་ཞེས་བརྗོད་ཅིང་སྒོ་རྣམས་ཀྱི་རེ་ཁཱ་དབྱི་བར་བྱའོ། །རེ་ཁཱ་གཞན་ཡང་རང་གིས་བརྟགས་ལ་དབྱི་བར་བྱའོ། །འདི་ནི་ཐིག་གདབ་པའི་ ཆོ་གའི་རིམ་པའོ།། །།དེ་ནས་གཏོར་མ་བྱིན་ལ་ཟླ་བ་ཆུ་ཤེལ་ལ་སོགས་པ་ལས་བྱུང་བའམ། ཁམས་རྣམས་ལས་བྱུང་བའམ། འབྲས་ལས་བྱུང་བ་ལ་སོགས་པའི་ས་ཚོན་ལྔ་ལ་དུར་ཁྲོད་ཀྱི་རུས་པ་ལ་སོགས་པས་བྱིན་གྱིས་བརླབས་ཏེ། སྐད་ཅིག་གིས་མཁའ་འགྲོ་མ་ལ སོགས་པའི་རང་བཞིན་དུ་དམིགས་ལ།ཡེ་ཤེས་པ་ནམ་མཁའ་ལ་དམིགས་པའི་སྙིང་ག་ན་ཡེ་ཤེས་ཀྱི་ཚོན་གནས་པ་ཐིག་སྐུད་ཀྱི་སྐབས་སུ་གསུངས་པ་ལྟར་བལྟ་བས་བཀུག་སྟེ་བཅུག་པ་དང་། རོ་གཅིག་ཏུ་གྱུར་པའི་ཡེ་ཤེས་ཀྱི་ཚོན། ཨོཾ་སརྦ་བུདྡྷ་ཌཱ་ཀི་ནཱི་ཞེས་པ་ལ་སོགས་པ་ མངོན་པར་བཟླས་ཏེ།ོཾ་བཛྲ་ཙི་ཏྲ་ས་མ་ཡ་ཧཱུཾ་ཞེས་པའི་སྔགས་བརྒྱ་རྩ་བརྒྱད་བཟླས་སོ། །དེ་ལྟར་འབར་བའི་ལྟ་སྟངས་ཀྱིས་སྦར་བར་བྱ་ཞིང་ཧྲཱིཿ་ཡིག་གིས་སོ་སོ་ལ་བྱིན་གྱིས་བརླབ་པར་བྱ་བ་དང་། བདེན་པའི་བྱིན་གྱིས་སྦར་བར་བྱ་བ་དང་། ལྷ་མོ་རྣམས་ཤིན་ཏུ་སྒྲུབ་པའི་སྟོབས་ཀྱིས་ སྦར་བའོ།།ཧཱུཾ་ཞེས་བརྗོད་ཅིང་དབུས་ཀྱི་ཕུར་པ་བཏོན་ལ་བདག་ཉིད་ཀྱི་ལག་པའི་རྡོ་རྗེ་ལ་བཅུག་སྟེ་ཕུར་ཁུང་ཚོན་སྣ་ལྔ་ཡིས་དགང་བར་བྱས་པ་དང་། །བཅོམ་ལྡན་འདས་མའི་སྔགས་ཀྱིས་མཚན་མ་ངན་པ་བཅོམ་སྟེ་ཆོས་ཀྱི་དབྱིངས་རྣམ་པར་དག་པར་བསྒོམས་ལ་དང་པོར་དཀྱིལ་ འཁོར་གྱི་དབུས་སུ་གནས་པ་དང་།བྱང་ཤར་མཚམས་ནས་རེ་ཁཱ་ལྔ་བྲི་བར་བྱའོ། །དེ་ཡང་། སྦོམ་ན་ནད་དུ་འགྱུར་བའོ། །ཕྲ་ན་རྫས་རྣམས་ཉམས་པར་འགྱུར། །ཡོ་བ་ཡིས་ནི་རྩོད་པར་འགྱུར། །ཆད་ན་ངེས་པར་འཆི་བར་འགྱུར། །གཡས་སུ་བསྐོར་ནས་བྲིས་པ་ ན།།ཚོན་གྱི་དངོས་གྲུབ་མི་འབྱུང་ངོ་། །ཞེས་པའི་དོན་གོ་བར་བྱས་ལ་ལེགས་པར་བྲི་བར་བྱའོ། །དེ་ཡང་ཤར་དང་བྱང་དང་ནུབ་དང་ལྷོ་རྣམས་ཀྱི་ཕྱོགས་ལ་ནག་པོ་དང་ལྗང་གུ་དང་དམར་པོ་དང་སེར་པོ་རྣམས་སོ། །དབུས་ཀྱི་ས་གཞི་དཀར་པོ་ལ་པདྨ་ཕྱོགས་ཀྱི་ཁ་དོག་གིས་སོ། ། རྡོ་རྗེ་ཕྲེང་བ་ནག་པོའོ། །ཐུགས་ཀྱི་འཁོར་ལོ་ཡང་ནག་པོའོ། །གསུང་གི་འཁོར་ལོ་དམར་པོའོ། །སྐུའི་འཁོར་ལོ་དཀར་པོའོ། །རྡོ་རྗེ་དང་པདྨ་དང་འཁོར་ལོ་རྣམས་སོ་སོ་དང་མཚུངས་སོ། །དབུས་ཀྱི་པདྨའི་ལྟེ་བའི་ཉི་མ་དང་ཕྱོགས་བཞིའི་འདབ་མ་རྣམས་ལ་གྲི་གུག་གོ། །མཚམས ཀྱི་འདབ་མ་རྣམས་ལ་བདུད་རྩིས་གང་བའི་ཐོད་པའོ།།ཐུགས་ལ་སོགས་པའི་འཁོར་ལོ་བཞི་རྣམས་སྣ་ཚོགས་པདྨ་དང་ཉི་མ་རྣམས་ལ་ཡང་གྲི་གུག་རྣམས་སོ། །སྒོ་ཁྱུད་རྣམས་ལ་ཟླ་བ་ཕྱེད་པ་རྡོ་རྗེ་རིན་པོ་ཆེས་མཚན་པའོ། །རྟ་བབས་ཀྱི་ཀ་བ་དང་ཀྲ་མ་ ཤཱིཪྵ་གསེར་མདོག་གོ།།རྟ་བབས་རྩེག་གི་ཀ་བ་གླང་པོ་ཆེའི་སྟེང་དུ་སེང་གེས་མནན་པའོ། །འདོད་ཡོན་ལ་སོགས་པ་ཇི་ལྟར་མཛེས་པའོ། །ཕྱིའི་པདྨའི་འདབ་མ་རྣམས་ཁ་དོག་ལྔའོ། །རྡོ་རྗེའི་ཕྲེང་བ་ནག་པོའོ། །མེ་རིའི་ཕྲེང་བ་ཁ་དོག་ལྔའོ། །དེའི་ཕྱི་རོལ་ཏུ་ཕྱོགས་མཚམས་བརྒྱད་དུ་ སྒྲུབ་ཐབས་ལས་གསུངས་པ་ལྟར་དུར་ཁྲོད་བརྒྱད་བྲི་བར་བྱའོ།།དེ་ནས་བཅོམ་ལྡན་འདས་མའི་སྔགས་ལན་བདུན་བཟླས་པའི་བདུད་རྩི་ལྔའི་དྲི་ཞིམ་པའི་ཆུ་དང་བཅས་པས་དཀྱིལ་འཁོར་གྱི་ཕྱི་རོལ་རྣམས་ལ་བྱུགས་ཏེ། ཨོཾ་ཨཱཿ་ཧཱུཾ་བཛྲ་མུཿཞེས་པས་ཡེ་ཤེས་ཀྱི་ཚོན་གཤེགས་ལ་ རྡུལ་ཚོན་གྱི་སྣོད་འགོལ་བའི་གནས་སུ་གཞག་གོ་འདི་ནི་ཚོན་གྱི་ཆོ་གའི་རིམ་པའོ།། །།དེ་ནས་སྔོན་དུ་ལྷག་གནས་བྱས་པའི་བུམ་པ་རྣམས་རིམ་པ་ཇི་ལྟ་བ་བཞིན་གཡོན་སྐོར་གྱིས་དགོད་པར་བྱའོ། །དེ་ནས་ཕྱོགས་མཚམས་བརྒྱད་དུ་ག་པུར་དང་ཏུ་རུ་སྐལ་སོགས་པའི་སྤོས་སྣོད་གཞག པར་བྱའོ།།དེ་ལྟར་བ་དན་རྣམས་ཀྱང་ངོ་། །དེ་ནས་ཁ་ནུབ་ཏུ་ཕྱོགས་ཏེ་དཀྱིལ་འཁོར་གྱི་གཙོ་མོའི་ང་རྒྱལ་གྱིས་བྲིས་པའི་དཀྱིལ་འཁོར་སྟོང་པའི་ངང་ལས་སྲུང་བའི་འཁོར་ལོ་ལ་སོགས་པ་རྣམས་བསྒོམས་ཏེ། བོ་ལ་སྤངས་ཏེ་ཀ་ཀྐོ་ལ་ཞེས་པའི་ཚིག་གིས་སྐད་ཅིག་གིས་ཐབས་ཀྱི་ གཟུགས་སུ་བསྒོམས་ལ།བདག་ཉིད་དང་མཚུངས་པའམ་ཕྱིའི་ཕྱག་རྒྱ་དང་སྦྱོར་བའི་སྒྲས་ཡེ་ཤེས་ཀྱི་འཁོར་ལོ་སྤྱན་དྲངས་ཏེ། ཞབས་བསིལ་དང་ཡོན་ཆབ་དང་སྔོན་དུ་སོང་བས་འབར་བའི་ཕྱག་རྒྱ་དང་བཅས་པའི་ཕེཾ་ཞེས་བརྗོད་ཅིང་མཉེས་པར་བྱས་ལ། བདག་ཉིད་ལ་གཞུག་པར་བྱའོ། ། ཆགས་པ་ཆེན་པོར་ཞུ་ནས་རྡོ་རྗེའི་ལམ་ནས་པདྨར་ཡེ་ཤེས་ཀྱི་ལྷ་མོ་རྣམས་ཀྱི་དཀྱིལ་དུ་སྤྲོས་པ་དང་། དེ་རྣམས་དམ་ཚིག་གི་དཀྱིལ་འཁོར་ལ་ཞུགས་པར་བསམ་མོ། །དེ་ནས་ལྷ་མོ་རྣམས་སྤྲོས་ཏེ་ཡིད་ཀྱིས་མཆོད་ནས། །མེ་ཏོག་དང་བདུག་སྤོས་དང་མར་མེ་དང་དྲི་དང་བཤོས་གཙང་དང་བཟའ བ་དང་བཏུང་བ་དང་བལྡག་པ་དང་བཅའ་བ་དང་།བུ་མོ་དང་བུ་དང་གླང་པོ་དང་རྟ་ལ་སོགས་པ་དབུལ་བར་བྱའོ། །གཟུགས་རྡོ་རྗེ་མ་ལ་སོགས་པའི་རང་བཞིན་ཕྱིའི་བཅུ་དྲུག་གམ། བརྒྱད་དམ་བཞིའི་རང་རང་གི་མཆོད་པས་མཆོད་ནས། ཕྲེང་བའི་སྔགས་ཀྱིས་བསྟོད་དེ་བདུད་རྩི་མྱངས་པས་ བདེ་བ་ཆེན་པོ་ཉམས་སུ་མྱང་བར་བྱས་པ་དང་།གཙོ་མོའི་སྔགས་བརྒྱ་རྩ་བརྒྱད་དང་འཁོར་རྣམས་ཀྱི་ཉི་ཤུ་རྩ་གཅིག་བཟླས་སོ། །ལས་ཐམས་ཅད་པའི་གཏོར་མ་བཏང་ལ་ཡི་གེ་བརྒྱ་པ་བཟླས་པར་བྱའོ། །འདི་ནི་དཀྱིལ་འཁོར་རབ་ཏུ་གནས་པའི་ཆོ་གའི་རིམ་པའོ།། །།དེ་ནས་སློབ་ དཔོན་གྱིས་དཀྱིལ་འཁོར་ནས་ཐོན་ཏེ་སློབ་མ་རྣམས་ལ་རྨི་ལམ་དྲིས་ལ།གཡང་དུ་ལྷུང་བ་ལ་སོགས་པ་རྨི་བ་མཐོང་ན་གོ་ཆའི་སྔགས་ཀྱིས་བསྲུངས་ལ་སློབ་མ་རྣམས་དཀྱིལ་འཁོར་དུ་འཇུག་པའི་དུས་སུ། ཨོཾ་པྲ་བི་ཤ་བྷ་ག་བཱ་ན་མ་ཧཱ་སུ་ཁཾ་མོཀྵ་པུ་རཾ་སརྦ་སིདྡྷ་སུ་ཁ་པྲ་དཾ་པ་ར་མ་སུ་ཨུ་ཏ་ཏ་མ་ སིདྡྷྱ་ཛཿ་ཧཱུཾ་བཾ་ཧོཿ་པྲ་སིདྡྷྱ་སྭ་ཞེས་པས་གཟེངས་བསྟོད་ལ།དེ་ནས་རྩེ་མོའི་ཆ་བཟུང་ལ་དེར་འཇུག་པ་ནི་གཡོན་སྐོར་བྱ་ཞིང་། ནུབ་སྒོ་ལ་སོགས་པར་བསྡད་ལ་དཀྱིལ་འཁོར་གྱི་ཤར་ཕྱོགས་ལ་སོགས་པའི་སྒོ་དབྱེ་བ་ནི། །ོཾ་བཛྲ་ཨུད་གྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ་ཞེས་པ་བརྗོད་པ་ དང་།།ོཾ་པ་ར་མ་ཧཱ་སུ་ཁ་ཨཱ་ཤ་ཡ་སུ་ལ་ལི་ཏ་བི་ལཱ་སི། ན་མི་ཏེ་ར་ན་མཱ་མི་བྷ་ག་བཱནྟཾ་ཛཿ་ཧྲཱུཾ་བཾ་ཧོཿ་ཧི་ཧི་ཧི་ཧི་ཧཱི་པྲ་ཏཱིཙྪ་ཀུ་སུ་མ་ཨཉྫ་ལི་ནཱ་ཐ་ཧོཿ་ཞེས་པའི་སྔགས་ཀྱིས་མེ་ཏོག་གི་ཕྲེང་བ་ཕུལ་ལ་སླར་བླངས་ལ་བདག་ཉིད་ཀྱི་མགོ་བོ་ལ་བཏགས་ཏེ། རྩེ་མོས་མེ་ཏོག་གི་ཕྲེང་བས་ དབང་བསྐུར་བར་བསམ་ཞིང་།གསུང་བར་འགྱུར་བའི་ཆོ་གས་མེ་ཏོག་གི་ཕྲེང་བའི་དབང་ལ་སོགས་པ་སྟེ། སློབ་དཔོན་གྱི་བྱ་བ་ཐམས་ཅད་ཀྱི་རྗེས་སུ་གནང་བ་ཐོབ་པ་དང་བདེ་བ་ཆེན་པོའི་བདག་ཉིད་ཐབས་དང་ཤེས་རབ་ཀྱི་རང་བཞིན་ལ་བསྟོད་པ་སྔོན་དུ་སོང་བས་ སློབ་མ་གཞུག་པའི་དོན་དང་།དཀྱིལ་འཁོར་གྱི་དངོས་གྲུབ་འདོད་པའི་དོན་དུ་བདེན་པའི་བྱིན་བརླབ་བྱ་བ་ནི། སེམས་ཅན་ཀུན་གྱི་སེམས་ལ་ཁྱབ། །སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་མར་གྱུར་པ། །འདོད་པའི་གཙོ་མོའི་དམ་ཚིག་མཆོག། ། བདེན་པའི་ཡེ་ཤེས་མཆོག་གྱུར་པ། །ཤེས་རབ་ཐབས་དག་དཀྱིལ་འཁོར་གྱི། །མགོན་པོ་བདག་ལ་བདེན་པ་ཡིས། །འདོད་པ་ཡོངས་སུ་རྫོགས་པར་མཛོད། །ཅེས་བརྗོད་པའོ། །འདི་ནི་སློབ་དཔོན་བདག་འཇུག་གི་ཆོ་གའི་རིམ་པའོ།། །།དེ་ནས་སློབ་མ་ཁྲུས བྱས་ཏེ་འཁོར་ལོའི་གཙོ་མོའམ་ཁཎྜ་རོ་ཧའི་གཟུགས་སུ་བསྒོམས་ལ།ོཾ་སརྦ་ཏ་ཐ་ག་ཏ་ཨ་ནུ་ཏ་ཏ་ར་བོ་དྷི་ཨ་ལཾ་ཀཱ་ར་བསྟྲ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཧཱུཾ་ཞེས་པས་ན་བཟའ་བསྐོན་པར་བྱའོ། །ོཾ་བཛྲ་རཀྵ་ཧཾ། ཞེས་པས་སྲུང་སྐུད་བཅིང་བར་བྱའོ། །ོཾ་བཛྲ་ཨུཥྞཱི་ཥ་ཧཱུཾ་ཕཊ་ཅེས་པས་ཐོད་ བཅིང་བར་བྱའོ།།ོཾ་ཙཀྵུ་བནྡྷ་བ་ར་མཱ་ཎ་ཡ་ཧཱུཾ་ཞེས་པའི་སྔགས་ཀྱིས་མིག་རས་བཅིང་བར་བྱའོ། །ོཾ་ཨཱཿ་ཁཾ་བཱི་ར་ཧཱུཾ་ཞེས་བརྗོད་ཅིང་མེ་ཏོག་གི་ཕྲེང་བ་གཏད་དོ། །དེ་ནས་ལས་ཐམས་ཅད་པའི་ཆུ་ཡིས་གཏོར་ལ་གནས་གསུམ་དུ་ཕྱག་མཚན་གསུམ་ལ་གདན་གསུམ་གྱི་སྟེང་དུ་ཁ་དོག་གསུམ་ དང་ལྡན་པའི་ཡི་གེ་གསུམ་གྱི་འོད་ཟེར་གྱིས་ལུས་ལ་ཁྱབ་པར་བསམས་ཏེ།ཤར་སྒོ་ལ་གནས་པ་དེ་ལས་ཀྱི་རྡོ་རྗེས་ཧཱུཾ་ཞེས་བརྗོད་ཅིང་ཁྲིད་པ་ལ། ཀྱེ་ཧོ་བུ་སྡུག་ཁྱོད་སུ་ཡིན་ཞེས་པས་སློབ་དཔོན་གྱིས་དྲི་བར་བྱའོ། །བདེ་ཆེན་སྐལ་ལྡན་བདག་ལགས་སོ། །ཞེས་དེས་བརྗོད་པར་བྱའོ། །དེ་ ནས་ཨོཾ་སརྦ་ཡོ་ག་ཙིཏ་ཏཾ་ཨུཏྤཱ་ད་ཡཱ་མི་ཞེས་བརྗོད་དེ་སེམས་བསྐྱེད་པར་བྱའོ།།ཡང་རྡོ་རྗེ་སྙིང་གར་བཟུང་ལ། ཨོཾ་སུ་ར་ཏེ་ས་མ་ཡ་སྟྭཾ་སིདྡྷི་བཛྲ་ཡ་ཐཱ་སུ་ཁཾ་ཞེས་པ་བརྗོད་དོ། །ཡང་ལག་པ་རྡོ་རྗེ་དང་བཅས་པས་དེ་ཉིད་བཟུང་ལ། དིང་ཁྱོད་དེ་བཞིན་གཤེགས་པ་ཐམས་ཅད་ཀྱི་དཔའ་ མོ་རྣམས་ཀྱིས་བྱིན་གྱིས་བརླབ་ཀྱིས།དེ་བཞིན་གཤེགས་པ་ཐམས་ཅད་ཀྱི་དཔའ་མོའི་དཀྱིལ་འཁོར་དམ་ཚིག་དང་མི་ལྡན་པ་དང་དཀྱིལ་འཁོར་ཆེན་པོ་མ་མཐོང་བ་རྣམས་ལ་སྨྲ་བར་མ་བྱེད་ཅིག་ཅེས་བརྗོད་ལ། ཨཱཿ་ཁཾ་བཱི་ར་ཧཱུཾ་ཞེས་པའི་སྔགས་ཀྱིས་ཡོལ་བའི་ནང་དུ་གཞུག་གོ། །ོཾ་ཤྲཱི་ ཧེ་རུ་ཀ་ཡ་ཝིད་མ་ཧེ་བིདྱཱ་རཱ་ཛ་ཡ་དྷི་མ་ཧེ་སྭཱ་ཧཱ་ཞེས་པ་ལན་བདུན་བཟླས་ལ།རྡོ་རྗེ་རྣལ་འབྱོར་མ་ཡི་གནས། །དཀྱིལ་འཁོར་འདི་ཡིས་སྒྲུབ་པ་སྟེ། །མཁའ་འགྲོ་མ་ཡི་གཙོ་མོ་རུ། །བདག་གིས་དྲངས་སོ་བུ་ཉིད་ཀྱི། །ཞེས་བརྗོད་ལ་ཤར་སྒོ་རུ། ན་མ་སྟེ་ཧཱུཾ། ན་མ་མི་ཧཱུཾ། ན་ མོ་ན་མ་ཧཱུཾ་སྭཱ་ཧཱ་ཞེས་པས་ས་སྟེངས་ལ་སོགས་པའི་དབྱེ་བས་ཕྱག་གསུམ་བྱའོ།།ཡང་དེ་ཉིད་དུ་ཨོཾ་སརྦ་བཱི་ར་ཡོ་གི་ནི་བྷྱཿ་པཱུ་ཛ་ཨུ་པ་སྠཱ་ན་ཡ། ཨཱ་ཏ་མ་ནཱཾ་ནི་རྱཱ་ཏ་ཡཱ་མི་སརྦ་ཏ་ཐཱ་ག་ཏ་བཱི་ར་ཡོ་གི་ནྱོ་ཌཱ་ཀི་ནྱ་ཨ་དྷི་ཏིཥྛ་ཏུ་མཱཾ་ཞེས་བརྗོད་དོ། །བྱང་སྒོ་རུ་ཨོཾ་སརྦ་བཱི་ར་ཡོ་གི་ནཱི་ནཾ་པཱུ་ཛ་ཨ་བྷི་ཥེ་ཀ་ཨཱ་ཏ་མཱ་ནཱཾ་ནཱི་རྱཱ་ ཏ་ཡཱ་མི་སརྦ་ཏ་ཐཱ་ག་ཏ་བཱི་ར་ཡོ་གི་ནྱོ་ལཱ་མེ་ཨ་བྷི་ཥིཉྩན་ཏུ་མཱཾ་ཞེས་བརྗོད་དོ།།ནུབ་སྒོ་རུ་ཨོཾ་སརྦ་བཱི་ར་ཡོ་གི་ནི་བྷྱཿ། པཱུ་ཛ་པྲ་ཝ་རྟ་ན་ཡ་ཨཱ་ཏ་མ་ནཱཾ་ནི་རྱཱ་ཏ་ཡཱ་མི་སརྦ་ཏ་ཐཱ་ག་ཏ་བཱི་ར་ཡོ་གི་ནྱོ་ཁཎྜ་རོ་ཧེ་དྷརྨ་ཙཀྲ་པྲ་ཝརྟ་ཡ་མཱཾ་ཞེས་བརྗོད་དོ། །ལྷོ་སྒོ་རུ་ཨོཾ་སརྦ་བཱི་ར་ཡོ་གི་ནི་བྷྱཿ། པཱུ་ཛ་ཀརྨ་ཎེ་ཨཱ་ཏ་མ་ནཱཾ་ནི་ནཱི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བི་ར་ཡོ་གི་ནྱོ་རཱུ་པི་ཎྱེ་ཀརྨ་ཀུ་རུ་མཱཾ་ཞེས་པ་རྣམས་བརྗོད་ཅིང་གནས་གསུམ་དུ་ཐལ་མོ་སྦྱར་ཏེ་ཕྱག་བྱེད་དུ་གཞུག་གོ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་དཔའ་བོ་དང་རྣལ་འབྱོར་མ་རྣམས་ཀྱི་རིགས་སུ་ཞུགས་པས་དེའི་ཕྱིར་ཁྱོད་ལ་ངས་རྡོ་རྗེ་ཡེ་ཤེས་བསྐྱེད་དོ། །ཡེ་ཤེས དེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་ན་དངོས་གྲུབ་གཞན་ལྟ་སྨོས་ཀྱང་ཅི་དགོས།གལ་ཏེ་ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་བརྗོད་པར་མི་བྱའོ། །དམ་ཚིག་འདས་ན་སྡུག་བསྔལ་ཆེན་པོ་སྟེར་བར་འགྱུར་རོ་ཞེས་བརྗོད་ལ་རྡོ་རྗེ་སྤྱི་བོར་བཞག་སྟེ། དྲིལ་ བུ་དཀྲོལ་ཞིང་བརྗོད་པ།འདི་ནི་དམ་ཚིག་རྡོ་རྗེ་སྟེ། །གལ་ཏེ་སྨྲས་ན་མགོ་བོ་འགེམས། །ཞེས་པ་གོ་བར་བྱས་ནས་སྙིང་གར་རྡོ་རྗེ་བཟུང་སྟེ། རྡོ་རྗེ་ཕག་མོ་དིང་ཁྱོད་ཀྱི། །སྙིང་ལ་ཡང་དག་གནས་པ་སྟེ། །གལ་ཏེ་གཞན་ལ་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་པའི་བཀའ་ སྩལ་བྱིན་ལ།ལག་པའི་མཐེ་བོང་དང་། མིང་མེད་ཀྱིས་རྣམ་རྒྱལ་གྱི་བུམ་པའི་སྟེང་གི་པདྨའི་སྣོད་ན་གནས་པ་དེའི་ཁར་སྦྱིན་ཞིང་། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ཐོབ། །འཐུང་ཅིག་རྡོ་རྗེ་བདུད་རྩིའི་ཆུ། ། ཨོཾ་བཛྲ་ཨ་མྲྀ་ཏ་ཨུངྐ་ཋཿཧཱུཾ་ཞེས་པ་བརྗོད་ཅིང་མནའ་ཆུ་བླུད་དོ། །དིང་ནས་བརྩམས་ཏེ་ཁྱོད་ཀྱི་རྡོ་རྗེ་རྣལ་འབྱོར་མ་ང་ཡིན་པས། ངས་གང་བསྒོ་བ་དེ་ཁྱོད་ཀྱིས་ངེས་པར་བྱ་དགོས་སོ། །དེའི་ཕྱིར་བག་ཡོད་པར་གྱིས་ལ་མི་མཐུན་པས་དུས་བྱས་ནས་དམྱལ་བར་ལྟུང་བར་མ་བྱེད ཅིག་ཅེས་བརྗོད་དོ།།འདི་ནི་དམ་ཚིག་དང་མནའ་ཆུ་བླུད་པའི་ཆོ་གའི་རིམ་པའོ།། །།དེ་ནས་དངོས་གྲུབ་ངེས་པའི་དོན་དུ་ཡན་ལག་ཚང་བ་མཚན་ཉིད་དང་ལྡན་པའི་སློབ་མ་ལ་ལྷ་དབབ་པར་བྱའོ། །དེ་ཡང་གནས་འདུ་འཛི་མེད་པར་བཅོམ་ལྡན་འདས་མའི་ རྣལ་འབྱོར་དང་ལྡན་པས་འཁོར་ལོ་གསལ་བར་བསྒོམས་ཏེ།བཟླས་པ་འབུམ་ཕྲག་གཅིག་བྱས་ནས་མཚན་ཉིད་དང་ལྡན་པའི་སློབ་མ་མངོན་དུ་བྱས་ཏེ། སྟོང་པའི་ལས་བཾ་ལས་བྱུང་བའི་བཅོམ་ལྡན་འདས་མར་བལྟས་ལ། སརྦ་བཱི་ར་ཡོ་གི་ནྱ་ཤྩ་ཨ་དྷི་ཏཥྛི་ཏྭཾ། ཤྲཱི་བཛྲ་བཱ་ རཱ་ཧཱི་ཨཱ་བེ་ཤ་ཞེས་པ་བརྗོད་དེ་ཇི་ལྟ་བ་བཞིན་དུ་དབབ་པར་བྱའོ།།ཕེབས་པར་གྱུར་པ་དང་རབ་ཏུ་བཅུག་པའི་ལྷ་རྣམས་རང་གི་སྙིང་གའི་ས་བོན་ལ་བཅུག་ནས་སློབ་མའི་མགོ་ལ་རྡོ་རྗེ་གཟུང་བ་དང་། ཨོཾ་ཀྲྀ་ཏོ་ཝཿ་སརྦ་སཏྭ་ཨ་རྠཿ་སིདྡྷིཾ་ད་ཏྭཱ་ཡ་ཐཱ་ཨ་ནུ་གཱཾ། གཙྪ་ཐཾ་བུདྡྷ་བི་ཥ་ཡཾ། བུ་ན་ རཱ་ག་མ་ནཱ་ཡ་ཙྪ་ཧཱུཾ་ཧཱ་ཨ་ཛྷཻཿ་མུཿཞེས་པས་གཤེགས་སུ་གསོལ་ལོ།།འདི་ནི་ཡེ་ཤེས་དབབ་པའི་ཆོ་གའི་རིམ་པའོ།། །།དེ་ནས་སློབ་མ་དཀྱིལ་འཁོར་ལ་བལྟ་རུ་བཅུག་ལ་མིག་སྔར་ཅི་སྣང་དྲི་བར་བྱའོ། །ཁྱོད་ཀྱི་སེམས་ཅད་དོན་ཀུན་མཛད། །ཅེས་སོགས་སྐད་དོད་རང་སོར་བཞག་པ། དེས་ བརྗོད་པའི་དཀར་པོ་ལ་སོགས་པའི་ཁ་དོག་གིས་ཞི་བ་ལ་སོགས་པའི་རིམ་པར་གོ་བར་བྱའོ།།དེ་ཉིད་ཀྱིས་མཐེ་བོང་ལག་པ་གཡས་པ་རྡོ་རྗེ་དང་བཅས་པ་བཟུང་སྟེ། རྡོ་རྗེའི་གར་དང་བཅས་པས་བཅོམ་ལྡན་འདས་མའི་སྔགས་བརྗོད་ཅིང་། བསྐོར་བ་བྱེད་པའི་དུས་སུ་བདེན་པའི་བྱིན་ རླབས་འདི་ལྟར་བྱའོ།།བདག་གིས་དཀྱིལ་འཁོར་འདི་ཉིད་དུ། །སློབ་མ་ཡང་དག་གཞུག་པ་ཡིས། །ལྷ་རྣམས་རིགས་ཀྱི་རིམ་པ་བཞིན། །དེ་བཞིན་བསོད་ནམས་འབྱུང་བར་འགྱུར། །རིགས་ཀྱི་རིམ་པའི་སྣོད་ལྡན་ལ། །དེ་ལྟར་བསོད་ནམས་ནུས་པ་ཡིས། །དེ་ བཞིན་དངོས་གྲུབ་ངེས་པར་ནི།།དེ་ལྟར་དཀྱིལ་འཁོར་འདི་ལ་འབྱུང་། །ཞེས་པ་འདི་ནི་སློབ་མ་མིག་རས་དང་བཅས་པའི་ཆོ་གའི་རིམ་པའོ།། །།དེ་ནས་སྔོན་དུ་གཏད་པའི་མེ་ཏོག་གི་ཕྲེང་བ་ལས་གཅིག་བཏོན་ལ། སློབ་མའི་ལག་པར་ཏྲཱཾ་ཞེས་བརྗོད་ཅིང་གཏད་དོ། ། དེ་ནས་མེ་ཏོག་གི་ཕྲེང་བར་མོས་པ་བྱ་ཞིང་བདག་གིས་སྡིག་པ་དང་བྲལ་བར་དམིགས་ལ་སློབ་དཔོན་གྱིས་བྱིན་གྱིས་བརླབས་ཏེ་གུས་པ་སྔོན་དུ་སོང་བས་སྔོན་གྱི་གཙོ་མོ་འཁོར་དང་བཅས་པའི་དཀྱིལ་འཁོར་ལ་ཡིད་ཀྱིས་དམིགས་ལ། དེ་ཉིད་ཀྱི་དབུ་ལ་མེ་ཏོག་པྲ་ཏཱི་ཙྪ་ཀུ་སུ་མ་ཨ་ཉྫ་ལི་ནཱ་ཐ་ཧོཿ་ཞེས པ་བརྗོད་དེ་དོར་བར་བྱའོ།།རེ་ཁཱ་ལྔའི་ནང་དུ་བབས་ན་འདི་ཉིད་ཀྱིས་རིགས་བརྗོད་པར་བྱ་ཞིང་ལྷ་དེ་དང་དེའི་རྣལ་འབྱོར་སྦྱིན་པར་བྱ་བ་དང་དངོས་གྲུབ་ཀྱང་བརྟག་པར་བྱའོ། །རེ་ཁཱ་ལྔའི་ཕྱི་རུ་བབས་ན་ལན་གསུམ་གྱི་བར་དུ་སླར་དོར་བར་བྱའོ། །དེ་ལྟར་ན་ཡང་དངོས་གྲུབ་ཕྲ་མོ་ཙམ་མོ། །ཕྱི་ རོལ་གྱི་རྡོ་རྗེ་ཕྲེང་བའི་ཕྱི་རུ་བབས་ན་དངོས་གྲུབ་མེད་པས་དཀྱིལ་འཁོར་བསྟན་པར་མི་བྱའོ།།དཀྱིལ་འཁོར་དུ་དོར་བའི་ཕྲེང་བ་དེ་ཉིད་ལ་བཏགས་ཏེ་ཕྲེང་བ་དེ་ཉིད། །ོཾ་པྲ་ཏི་གྲྀཧྞ་ཏྭཾ་ཨི་མཾ་ས་ཏྭ་མ་ཧཱ་བ་ལ་ཞེས་པས་སློབ་མའི་མགོ་ལ་གདགས་པར་བྱའོ། །འདི་ནི་མེ་ཏོག་གི་ཕྲེང་བའི་དབང་ བསྐུར་བའི་ཆོ་གའི་རིམ་པའོ།། །།དེ་ནས་སློབ་མའི་སྙིང་གའི་ཟླ་བ་ལ་གཙོ་མོ་དང་དཔྲལ་བ་ལ་རཾ་འབར་བཞིན་པ་བསྒོམས་ལ། །ོཾ་བཱ་རཱ་ཧཱི་ས་ཡནྟེ་དྱ་ཙཀྵུཿ་ཨུ་དྒྷ་ཊ་ན་ཏཏྤ་ར། ཨུདྒྷ་ཊ་ཡ་ཏི་སརྦ་ཨཀྵོ་བཛྲ་ཙཀྵུ་ར་ནུཏྟ་ར། ཨོཾ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ་ཞེས་བརྗོད་དེ་མིག་རས བཤུས་ལ་དཀྱིལ་འཁོར་བསྟན་པར་བྱའོ།།དཀྱིལ་འཁོར་དམ་པ་འདི་ལ་ལྟོས། །ད་ནི་དད་པ་རབ་ཏུ་བསྐྱེད། །ཁྱོད་ནི་དཔའ་མོའི་རིགས་སུ་སྐྱེས། །སྔགས་དང་ཕྱག་རྒྱ་བྱིན་གྱིས་རློབ། །ཧེ་བཛྲ་པ་ཤྱ་ཞེས་བརྗོད་ལ་མིང་སྔོན་དུ་སོང་བས་དཀྱིལ་འཁོར་གྱི་གཙོ་མོ་ནས་སྒོ་མའི་བར་ བསྟན་པར་བྱའོ།།དེ་ནས་ཨོཾ་བཛྲ་མཎྜལ་ལ་མ་ཧཱ་མཎྜལ་པྲ་ཝིཥྚོུ྅ཧཾ། ཡོ་ག་མཎྜལ་མ་ཧཱ་མཎྜལ་དཪྴི་ཏོུ྅ཧཾ། གུ་ཧྱ་མཎྜལ་ལ་མ་ཧཱ་མཎྜལ་ལཱ་བྷི་ཥི་ཏོུ྅ཧཾ་ཞེས་བརྗོད་དེ་དམ་ཚིག་བརྗོད་པ་ནི་ཧོཿ་ཧོཿ་ཞེས་པ་སྟེ་འདི་ནི་སློབ་དཔོན་གྱིས་དཀྱིལ་འཁོར་དུ་གཞུག་པའི་ཆོ་གའི་རིམ་པའོ།། །། དེ་ནས་ཇི་ལྟར་འབྱོར་པའི་དབུལ་བ་བླ་མ་ལ་ཕུལ་ཏེ་པུས་མོ་ས་ལ་བཙུགས་ནས་ཐལ་མོ་སྦྱར་ལ། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྦྱིན་པ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །རྡོ་རྗེ་མ་སོགས་བདག་ལ་སྩོལ། །ཞེས་པ་ཆུའི་དབང་བསྐུར་གྱི་གསོལ་བ་གདབ པོ།།དེ་ནས་གསུང་བར་འགྱུར་བའི་ཆོ་གས་སློབ་མ་ལ་ནི་ར་མཉྫ་ན་བྱས་པ་དང་། སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་པའི་དཔའ་བོ་དང་དཔའ་མོ་རྣམས་མཆོད་དེ་སློབ་མ་ལ་དབང་བསྐུར་བའི་དོན་དུ་གསོལ་བ་གདབ་པ་ནི། །འགྲོ་བ་བསྐྱབ་ཕྱིར་རྡོར་འཆང་གིས། ། ཡོན་ཏན་འབྱུང་གནས་བྱིན་པ་ལྟར། །དེ་ལྟར་སློབ་མ་འདི་རྣམས་ལ། །དབང་བསྐུར་དམ་པ་སྦྱིན་པར་མཛོད། །ཅེས་པས་སོ། །དེ་ནས་ཤར་སྒོ་རུ་སྣ་ཚོགས་པདྨ་བྲིས་པའི་སྟེང་དུ་བསྡད་པའི་སློབ་མའི་ཁ་ནས་ཞུགས་ནས་ལྷ་མོའི་པདྨར་སྐད་ཅིག་གིས་སྟོང་པའི་ངང་ལས་ཧཱུཾ་ལས་མི བསྐྱོད་པར་བསྐྱེད་པའམ།ཌཱ་ཀི་ནཱིའི་གཟུགས་སུ་བསྐྱེད་ལ་ཡེ་ཤེས་སེམས་དཔའ་དང་ཐ་མི་དད་པ་ལ་སྔ་མ་ལྟར་སྤྱན་དྲངས་པས་དཔའ་བོ་དང་བཅས་པའི་འཁོར་ལོའི་ལྷ་མོ་རྣམས་ཆགས་པ་ཆེན་པོས་ཞུ་ནས་རྣམ་པར་སྣང་མཛད་ཀྱི་སྒོ་ནས་ཞུགས་ཏེ། རྡོ་རྗེའི་ལམ་ནས་བྱུང་བའི་ཁུ་བ་ དེས་དབང་བསྐུར་ཏེ་སྐུ་མདོག་དང་ཕྱག་མཚན་ལ་སོགས་པའི་ཆ་བྱད་དང་ལྡན་པ་པདྨ་ནས་ཕྱུང་བ་ལ།ནམ་མཁའི་གང་བར་གནས་པའི་ཐབས་དང་བཅས་པའི་ཌཱ་ཀི་ནཱི་ལ་སོགས་པའི་ལྷ་མོ་རྣམས་ཀྱིས། བཀྲ་ཤིས་ཀྱི་གླུ་དང་བཅས་པའི་སློབ་མ་རྣམས་ལ་དབང་བསྐུར་བར་བསམ་ཞིང་ བདག་ཉིད་ཀྱང་བཀྲ་ཤིས་བརྗོད་ལ།རྣམ་རྒྱལ་གྱི་བུམ་པ་ལ་སོགས་པ་ནས་ཆུ་ཅུང་ཟད་བླངས་ཏེ་པདྨའི་སྣོད་དམ་དུང་ཆོས་སུ་བླུགས་ལ་བྱ་བའམ། ཡང་ན་བུམ་པ་སོ་སོའི་རིམ་པ་བཞིན་དུ་བྱང་ཆུབ་སེམས་ཀྱི་བདུད་རྩིའི་གཟུགས་ཀྱི་ཆུས་ཁ་རྒྱན་དང་བཅས་པའི་རྡོ་རྗེའི་རྩེ་ནས་ འགྲོ་བར་བྱ་ཞིང་།དབང་བསྐུར་བ་ནི་རྡོ་རྗེ་ཆེ། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་ནི་འབྱུང་བའི་གནས། །བྱིན་ཆིག་དཔའ་མོ་མ་ལུས་པས། །ོཾ་ཨཱཿ་བཛྲ་ཨུངྐ་ཨ་བྷིཥིཉྩ་སུ་ར་ཏ་སྟྭཾ་ཨ་ཧཾ་ཞེས་བརྗོད་ཅིང་དབང་བསྐུར་བར་བྱའོ། །དེ་ནས་བདེ་ བ་ཆེན་པོ་ཐོབ་པར་བསམ་པ་སྟེ་འདི་ནི་ཆུའི་དབང་བསྐུར་བའི་ཆོ་གའི་རིམ་པའོ།། །།དེ་ནས་གོང་མ་ལྟར་བླ་མ་ལ་གསོལ་བ་འདེབས་པའི་སློབ་མ། ཨོཾ་དང་རིན་པོ་ཆེ་ལས་བྱུང་བའི་རིན་ཆེན་འབྱུང་ལྡན་ནམ་གཟུགས་ཅན་མ་རུ་སྐད་ཅིག་གིས་བསྐྱེད་པ་ཡེ་ཤེས་སེམས་དཔའ དང་རོ་གཅིག་པ་ནམ་མཁའ་ལ་གནས་པའི་ལྷ་མོ་རྣམས་ཀྱིས་དབང་བསྐུར་བ་དང་།གཟུགས་རྡོ་རྗེ་ལ་སོགས་པས་བཀྲ་ཤིས་བརྗོད་པར་བསམ་མོ། །དེ་ནས་རྡོ་རྗེ་དང་དྲིལ་བུ་དང་མིང་རྣམས་ལ་ཡང་དེ་ལྟར་བྱ་བ་སྟེ། དེ་ནས་གསེར་རམ་རས་ལ་སོགས་པ་ལས་བྱས་པ་རིན་ཆེན་ འབྱུང་ལྡན་དུ་གྱུར་པས་དེ་ཉིད་ཀྱི་རང་བཞིན་ལ་ཡེ་ཤེས་སེམས་དཔའི་གཟུགས་དེ་བཞིན་གཤེགས་པ་ལྔའམ་ལྷ་མོ་རྣམས་ཏེ།རིགས་བདག་དབུས་སུ་གནས་པར་བྱིན་གྱིས་བརླབ་པར་བྱས་པ་དེའི་མགོའི་དཔྲལ་བ་དང་། ལོགས་གཉིས་དང་། གཙུག་གཏོར་དང་། རྒྱབ་རྣམས་ ལ་རིམ་པ་ཇི་ལྟ་བ་བཞིན་དུ།ོཾ་བཛྲ་དྷཱ་ཏྭཱི་ཤྭ་རི་ཨ་བྷི་ཥིཉྩ་ཧཱུཾ། ཨོཾ་སཏྭ་བཛྲི་ཨ་བྷིཥིཉྩ་བྷྲཱུཾ། ཨོཾ་རཏྣ་བཛྲི་ཨ་བྷིཥི་ཉྩ་ཏྲཱཾ། ཨོཾ་པདྨ་བཛྲི་ཨ་བྷིཥིཉྩ་ཧྲཱིཿ་ཨོཾ་ཀརྨ་བཛྲི་ཨ་བྷི་ཥིཉྩ་ཨཿ་ཞེས་པའི་སྔགས་ལྔས་བྱིན་གྱིས་བརླབས་ལ་མགོ་བོར་བཟུང་སྟེ་གོང་གི་ཚིགས་བཅད་ བརྗོད་ལ།ོཾ་ཨཱཿ་བཛྲ་མུ་ཀུ་ཊ་ཨ་བྷིཥི་ཉྩ་སུ་ར་ཏ་སྟྭཾ་ཨ་ཧཾ་ཞེས་པ་དང་། བཛྲ་ཏུ་ཥྱ་ཧོཿ་ཞེས་བརྗོད་དེ་མཉེས་པར་བྱ་བ་འདི་ནི་ཅོད་པན་གྱི་དབང་བསྐུར་བའི་ཆོ་གའི་རིམ་པའོ།། །།དེ་ནས་ཨོཾ་ཧཱུཾ་ཏྲཱཾ་ཧྲཱིཿ་ཨཿ་ཞེས་པའི་སྔགས་ཀྱིས་དར་དཔྱངས་སམ་མེ་ཏོག་ཕྲེང་བ་དཔྲལ་བར་ བཅིང་བར་བྱའོ།།དེ་ནས་དེ་ལྟར་གསོལ་བ་འདེབས་པ་ལ་ཧྲཱིཿ་དང་པདྨ་ལ་སོགས་པ་ལ་འོད་དཔག་མེད་ཀྱི་གཟུགས་སམ་ཁཎྜ་རོ་ཧ་སྐད་ཅིག་གིས་ཡེ་ཤེས་སེམས་དཔའ་དང་ཐ་མི་དད་པར་བསམས་ལ་གོང་གི་ཚིགས་བཅད་བརྗོད་དེ། །སངས་རྒྱས་རྣམས་ཀྱི་རྡོ་རྗེའི་དབང་། །ཐོབ་པ་དེ་ བཞིན་ཁྱོད་ཉིད་ཀྱིས།།དེ་རིང་སངས་རྒྱས་ཐམས་ཅད་ཀྱི། །དངོས་གྲུབ་དམ་པ་འདི་ཉིད་ལོང་། །ཞེས་བརྗོད་དེ་སློབ་མའི་གནས་གསུམ་དུ་རྡོ་རྗེ་རེག་ནས་ལག་པ་གཡས་པས་རྡོ་རྗེ་སྦྱིན་ནོ། །འདི་ནི་རྡོ་རྗེའི་དབང་བསྐུར་བའི་ཆོ་གའི་རིམ་པའོ།། །།དེ་ནས་དེ་ལྟར་ གསོལ་བ་འདེབས་པའི་སློབ་མ་ལ་ཁཾ་དང་རལ་གྲི་དག་ལས་བྱུང་བའི་དོན་ཡོད་གྲུབ་པའམ་ལཱ་མའི་གཟུགས་སུ་ཡེ་ཤེས་སེམས་དཔའ་དང་ཐ་མི་དད་པར་སྐད་ཅིག་གིས་བསྐྱེད་དེ།དེ་ལྟར་བསྐྱེད་ལ་དེ་ཉིད་ཀྱི་ལག་པ་གཡོན་པར་བྱིན་ཏེ། རྡོ་རྗེ་དང་དྲིལ་བུ་དང་ལྡན་པའི་ཕྱག་རྒྱ་བཅས་ ལ།གོང་གི་ཚིགས་སུ་བཅད་པ་བརྗོད་པ་དང་། ཨོཾ་བཛྲ་ཨ་དྷི་པ་ཏི་ཏྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ་ཞེས་པ་དང་། ཨོཾ་བཛྲ་གྷ་ཎ་ཌ་ཨ་གྲ་ཧི་ཏོ་ཤྲི་མ་བྷ་ག་བཱན་མེ་སཱ་ན་ནི་ཧི་ཏོ་བྷ་བ་ཞེས་བརྗོད་དོ། །འདི་ནི་བདག་པོའི་དབང་གི་ཆོ་གའི་རིམ་པའོ།། །། དེ་ནས་དེ་ལྟར་གསོལ་བ་བཏབ་པ་དང་། ཨོཾ་དང་འཁོར་ལོ་ལས་བྱུང་བའི་རྣམ་པར་སྣང་མཛད་དམ་གཙོ་མོའི་གཟུགས་སུ་སྐད་ཅིག་གིས་བསྐྱེད་པའི་ཡེ་ཤེས་སེམས་དཔའ་དང་ཐ་མི་དད་པར་བྱ་སྟེ། མགོ་ལ་རྡོ་རྗེ་དང་དྲིལ་བུ་བཟུང་ལ་དབང་བསྐུར་བ་ཞེས་པ་ལ་སོགས་པའི་ཚིགས་སུ་བཅད པ་བརྗོད་ནས།ོཾ་ཧེ་རུ་ཀ་ཨ་དྷི་པ་ཏི་ཏྭཾ་ཨ་བྷི་ཥིཉྩཱ་མི་བཛྲ་ནཱ་མ་ཨ་བྷི་ཥི་ཀ་ཏཿཔ་ར་མཨཱརྱ་བཛྲ་ཏྭཾ་ཞེས་པ་ལ་སོགས་པས་མེ་ཏོག་ལྷུང་བའི་དབྱེ་བའི་མིང་གིས་རྣམ་པར་སྣང་མཛད་དམ་བཅོམ་ལྡན་འདས་མའི་རང་བཞིན་ལ་དབང་བསྐུར་བ་ནི། མིང་གི་དབང་བསྐུར་བའི་ཆོ་གའི་རིམ་པའོ།། །། དེ་ཡང་དབང་འདི་རྣམས་ཐོབ་པའི་སློབ་མས་བྱ་བ་དང་སྤྱོད་པའི་རྒྱུད་ལ་ཉན་པ་དང་འཆད་པ་དང་སྔགས་བསྒྲུབ་པ་རྣམས་ལ་དབང་བ་སྟེ། ལྷན་ཅིག་སྐྱེས་པའི་དབང་དང་བྲལ་བར་རྣལ་འབྱོར་མའི་རྒྱུད་ལ་ནི་མ་ཡིན་ནོ། །དེ་ནས་སློབ་མ་དེ་ཉིད་ཀྱིས་ཐལ་མོ་སྦྱར་ཏེ་གསོལ་བ་གདབ་པ་ནི། །ཁྱོད ཉིད་ཀྱི་ནི་བཀའ་དྲིན་གྱིས།།བདག་ལ་རང་དང་གཞན་གྱི་དོན། །རྫོགས་ཕྱིར་རྡོ་རྗེ་སློབ་དཔོན་དབང་། །ཐུགས་རྗེ་མཆོག་དང་ལྡན་པས་བྱིན། །ཞེས་པས་སོ། །ཧཱུཾ་ལས་བྱུང་བའི་རྡོ་རྗེའི་རང་བཞིན་དུ་བསྒོམས་ལ། །ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་ དཔའ་དགའ་བ་ཆེ།།མཁའ་འགྲོ་མ་ཚོགས་རང་བཞིན་ཏེ། །རྡོ་རྗེ་སྙེམས་ཚུལ་བདག་པོའི་བདག་།ཅེས་བརྗོད་དེ་དེ་ཁོ་ནའི་རང་བཞིན་རྡོ་རྗེ་བླང་བར་བྱའོ། །འདི་ནི་རྡོ་རྗེའི་དམ་ཚིག་གི་ཆོ་གའི་རིམ་པའོ།། །།དེ་ནས་ཨཿལས་བྱུང་བའི་དྲིལ་བུ་རུ་བསྒོམས་ཏེ། འདི་ ནི་སངས་རྒྱས་ཐམས་ཅད་ཀྱི།།དྲིལ་བུའི་སྒྲ་ཡི་མཚན་ཉིད་ཅན། །ཁྱོད་ཀྱིས་རྒྱུན་དུ་བཟུང་བ་ཡིས། །བྱང་ཆུབ་མཆོག་ཏུ་རྒྱལ་བས་གསུངས། །ཞེས་བརྗོད་དེ། དེ་ཁོ་ནའི་རང་བཞིན་བླང་བར་བྱའོ། །སློབ་མས་བླངས་ལ་དཀྲོལ་ཞིང་བརྗོད་པ། །སྲིད་པ་ངོ་བོ་ཉིད་ཀྱིས་དག། ངོ་བོ་ཉིད་ཀྱིས་དངོས་བྱས་པ། །རང་བཞིན་དག་པའི་སེམས་དཔའ་འདི། །སྲིད་པ་དམ་པ་བྱེད་པར་འགྱུར། །ཞེས་པ་འདི་ནི་དྲིལ་བུའི་དམ་ཚིག་གི་ཆོ་གའི་རིམ་པའོ།། །།དེ་ནས་ཕྱག་རྒྱའི་དམ་ཚིག་བརྗོད་པར་བྱ་སྟེ། ཡིད་ཀྱི་གཟུགས་ནི་བརྟན་བྱས་ལ། །ཇི་ལྟར་གཟུགས རྣམས་བརྟན་པ་དེར།།དེ་ལ་ཕྱག་རྒྱ་རབ་ཏུ་བསྒྲགས། །ཡེ་ཤེས་ཕྱག་རྒྱས་བྱིན་རླབས་ལ། །འདོད་པ་ཐམས་ཅད་ཉེ་བར་སྤྱད། །དངོས་གྲུབ་ཐམས་ཅད་བསྒྲུབ་པར་བྱ། །ཞེས་པ་བརྗོད་ལ། སློབ་མ་རྡོ་རྗེ་སེམས་དཔའི་ཆ་བྱད་ཅན་གྱིས་ཡེ་ཤེས་ཀྱི་ཕྱག་རྒྱ་དང་ཁ་སྦྱོར་དུ་བྱིན་ གྱིས་བརླབས་ལ་འཁྱུད་པའི་དབྱིངས་སུ་བྱའོ།།འདི་ནི་ཕྱག་རྒྱའི་དམ་ཚིག་གི་ཆོ་ག་སྟེ་དམ་ཚིག་གསུམ་སྦྱིན་པའི་ཆོ་གའི་རིམ་པའོ།། །།དེ་ནས་དམ་ཚིག་གསུམ་བླངས་པའི་སློབ་མས་སྔོན་གྱི་ཆོ་ག་ལྟར་ཤར་གྱི་སྒོའི་སྔོན་དུ་བསྡད་ལ་རྡོ་རྗེ་སེམས་མའམ་བཅོམ་ལྡན་འདས་མའི་ སྐུ་རུ་བསྒོམ་པ་དང་།ཆུའི་དབང་གི་ཆོ་ག་དང་། དབང་བསྐུར་བའི་བྱ་བ་ལ་སོགས་པའི་བར་བྱས་ལ། ཨོཾ་ཨཱཿསརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ་སྭཱ་ཧཱ། ཞེས་བརྗོད་ཅིང་མངོན་པར་དབང་བསྐུར་བར་བྱའོ། །དེ་ནས་འཁོར་ལོའི་ལྷ་མོ་རྣམས་དེ་ཉིད་ལས་ཡེ་ཤེས་སེམས་དཔའི་ གཟུགས་ཀྱིས་གཞུག་པར་བྱས་ནས།ོཾ་སུ་པྲ་ཏིཥྛ་བཛྲེ་སྭཱ་ཧཱ་ཞེས་པས་བྱིན་གྱིས་བརླབས་ལ་དེ་ལ་མེ་ཏོག་ལ་སོགས་པ་དབུལ་བར་བྱའོ། །དེ་ལྟར་ཡང་གསུངས་པ། སློབ་དཔོན་དབང་བསྐུར་འདོད་པ་ཡིས། །ཤེས་རབ་བཅུ་དྲུག་མ་ཉིད་ལ། །རྡོ་རྗེ་དྲིལ་བུ་མཉམ་སྦྱོར་ བའི།།ལག་པ་དག་གིས་མཉམ་པར་འཁྱུད། །ཅེས་པས་སོ། །དེ་ཡང་བསྡུས་ན་རྣམ་པར་སྣང་མཛད་རྣམ་པར་དག་པ་གཞལ་ཡས་ཁང་དང་། ཕུང་པོ་ལྔ་བསྡུས་པ་སངས་རྒྱས་ལྔའི་དག་པ་སྟེ། ཕྱིར་མི་ལྡོག་པའམ་སློབ་དཔོན་གྱི་དབང་གི་ཆོ་གའི་རིམ་པའོ།། །། དེ་ནས་བདག་ཉིད་ཀྱིས་སྙིང་པོ་ལ་སོགས་པའི་སྔགས་ལན་གསུམ་བཟླས་ནས། དཏྟཱ་སི་མ་ཡ་བྷ་ག་བཱ་ན། ཨ་སྨིན། སནྣི་ཧི་ཏོ་བྷ་བ། ཞེས་པ་བརྗོད་ལ་སློབ་མ་ལ་སྦྱིན་ནོ། །སློབ་མས་ཀྱང་། ས་ཏུ་གྲི་ཧི་ཏོ། །སི་མ་ཡཱ། དྷ་ག་བཱནྨ་ཡི་སནྣི་ཧི་ཏོ་བྷ་བ། ཞེས་པ་བརྗོད་ཅིང བླང་བ་ནི་ལན་གསུམ་བརྗོད་པས་སོ།།འདི་ནི་སྔགས་རྗེས་སུ་གནང་བའི་ཆོ་གའི་རིམ་པའོ།། །།དེ་ནས་གསེར་རམ་དངུལ་གྱི་སྣོད་དུ་མར་སྦྲང་རྩི་གསེར་གྱི་ཐུར་མས་བླངས་ཏེ། སློབ་མའི་མིག་དག་ཏུ་ཡི་གེ་པྲཾ་བསྒོམས་ཏེ། ཨོཾ་བཛྲ་ནེ་ཏྲ་ཨ་པ་ཧ་ར་པ་ཊ་ལཾ་ ཧྲཱིཿཞེས་པ་བརྗོད་ཅིང་དབྱེ་བ་ནི།ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱི་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ཞེས་པའོ། །འདི་ནི་མིག་སྨན་གྱི་ཆོ་གའི་རིམ་པའོ།། །།དེ་ནས་མེ་ལོང་ བླངས་ཏེ་ཨཿཞེས་མངོན་པར་བཟླས་ཤིང་སློབ་མ་ལ་བསྟན་པ་ནི།ཆོས་རྣམས་གཟུགས་བརྙན་དང་མཚུངས་པར། །དག་ཅིང་གསལ་ལ་དྲི་མ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཡང་དག་བྱུང་། །རྡོ་རྗེ་མ་ནི་མེ་ལོང་མཚུངས། །དཔའ་མོ་ ཀུན་གྱི་གཙོ་མོ་སྟེ།།བུ་ཁྱོད་སྙིང་ལ་ཡང་དག་གནས། །ཁྱོད་ནི་འདྲེན་པའི་སྤྱན་དང་ལྡན། །ངོ་བོ་མེད་ཅིང་གནས་མེད་པ། །འདི་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་གྱིས། །ཞེས་པ་ནི་མེ་ལོང་གི་ཆོ་གའི་རིམ་པའོ།། །།དེ་ནས་ ཧོཿཡིག་ལས་བྱུང་བའི་གཞུ་ཧོ་ཞེས་པས་བྱིན་ལ་ཡང་།ོཾ་སརྦ་ཏ་ཐཱ་ག་ཏ་ཨ་རུ་རཱ་ག་ཡ་ཡ་སྭ་ཞེས་བརྗོད་པར་བྱའོ། །སློབ་མས་ཀྱང་མདའ་བཀང་བཞིན་པས་ཨོཾ་སརྦ་ཏ་ཐཱ་ག་ཏ་ན་ཨ་ནུ་རཱ་ག་ཡ་མི་ཞེས་བརྗོད་ཅིང་བློས་བགེགས་ལ་དབུག་པར་བསམ་ཞིང་ཕྱོགས་མཚམས་སྟེང་ འོག་རྣམས་སུའོ།།འདི་ནི་མདའ་གཞུའི་ཆོ་གའི་རིམ་པའོ།། །།དེ་ནས་སློབ་མ་རྡོ་རྗེ་སེམས་དཔའ་འམ་རྡོ་རྗེ་ཕག་མོའི་གཟུགས་སུ་བསྒོམས་ནས། འདི་ནི་དཔའ་མོ་ཐམས་ཅད་དང་། །རྡོ་རྗེ་སེམས་མའི་ཕྱག་ན་གནས། །ཁྱོད་ཀྱིས་རྒྱུན་ཏུ་གཟུང་བར་བྱ། །རྡོ་ རྗེ་མ་ཡི་བརྟུལ་ཞུགས་བརྟན།།ཞེས་བརྗོད་དེ་རྡོ་རྗེ་གཏད་དོ། །ོཾ་སརྦ་བཱི་ར་ཏྭཾ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷཱ་ར་ཡཱ་མི་བཛྲ་སཏྭ་ཧཱིཿཧི་ཧི་ཧི་ཧི་ཧཱུཾ་ཞེས་བརྗོད་དེ་བླང་པར་བྱའོ། །འདི་ནི་རྡོ་རྗེའི་བརྟུལ་ཞུགས་ཀྱི་ཆོ་གའི་རིམ་པའོ།། །།དེ་ནས་སློབ་མ་རྡོ་རྗེ་ཕག་མོའི་གཟུགས་སུ་ བསྒོམས་ཏེ།ཁ་ཊྭཱཾ་གྲི་གུག་པདྨའི་སྣོད། །རྡོ་རྗེ་ཕག་མོའི་ཕྱག་མཚན་འདི། །ཕྱི་དང་ནང་ན་ཡང་དག་གནས། །བྱིན་པ་ཟུང་ཅིག་དཔའ་མོ་ཡིས། །ཞེས་བརྗོད་པ་དང་། བཅོམ་ལྡན་འདས་མའི་སྔགས་ཀྱིས་བྱིན་གྱིས་བརླབས་ལ་བྱིན་པར་བྱའོ། །འདི་ནི་ཁ་ཊྭཱཾ་ག་ལ་སོགས་པའི་ ཆོ་གའི་རིམ་པའོ།། །།དེ་ནས་སློབ་མ་དེ་ལྟར་བསྒོམས་ལ་བདག་ཉིད་ཀྱི་སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་པའི་མི་བསྐྱོད་པ་ལ་སོགས་པ་འཁོར་ལོ་ལ་སོགས་པ་ལ་གཞུག་པ་ནི། །མི་བསྐྱོད་པ་ནི་འཁོར་ལོའི་གཟུགས། །འོད་དཔག་མེད་པ་རྣ་རྒྱན་ཏེ། །རིན ཆེན་ཉིད་ནི་མགུལ་རྒྱན་ནོ།།རྣམ་པར་སྣང་མཛད་ལག་གདུབ་གསུངས། །དོན་གྲུབ་སྐ་རགས་ཉིད་ལ་བསྟན། །ཞེས་གསུངས་པས་རིམ་པ་བཞིན་དུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་ཅེས་པ་བཟླས་ཏེ་འཁོར་ལོ་མགོ་བོར་རོ། །དེ་ལྟར་ཐོད་པ་ལྔ་ལ་ཡང་ངོ་། །ོཾ་ཧྲཱིཿ་ ཧ་ཧ་ཧཱུཾ་ཧཱུཾ་ཕཊ་ཅེས་པ་རྣ་རྒྱན་དག་ལའོ།།ོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞྞ་ནཱི་ཡེ་ཧུཾ་ཧཱུཾ་ཕཊ་ཅེས་པ་མགུལ་རྒྱན་ལའོ། །ོཾ་ཧ། ན་མཿཧི། སྭཱ་ཧཱ་ཧུ། བཽ་ཥ་ཊ་ཧེ། ཧཱུཾ་ཧཱུཾ་ཧོ། །ཕཊ་ཧཾ་ཞེས་པ་ལག་གདུབ་དག་ལའོ། །ོཾ་བཾ། ཧཾ་ཡོཾ། ཧྲིཾ་མོཾ། །ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ་ཅེས་ པ་ལན་གསུམ་བཟླས་ལ་སྐ་རགས་ཏེ་དེ་ལྟར་གསུམ་གསུམ་ཀུན་ལ་གོ་བར་བྱའོ།།འདི་ནི་འཁོར་ལོ་ལ་སོགས་པའི་བརྟུལ་ཞུགས་སྦྱིན་པའི་ཆོ་གའི་རིམ་པའོ།། །།དེ་ནས་ལུང་བསྟན་ནི་ཕྱག་རྒྱ་དང་བཅས་པས་བརྗོད་ལ། །སྲིད་པའི་ངན་འགྲོ་ལས་བཏོན་ནས། །སྲིད་ པ་མཆོག་ཏུ་ཞི་བའི་ཕྱིར།།རྡོ་རྗེ་སེམས་དཔའ་དེ་བཞིན་གཤེགས། །བདག་གིས་ཁྱོད་ནི་ལུང་བསྟན་བགྱི། །ཞེས་པ་དང་། མེ་ཏོག་ལྷུང་བའི་སྒོ་ནས་རང་གི་རིགས་ཀྱི་མིང་དང་བཅས་ཏེ་བརྗོད་པ། སརྦ་ཏ་ཐཱ་ག་ཏ་སིདྡྷྱ་ས་མ་ཡ་སྟྭཾ་བྷུར་བྷུ་བ་སྭཿཞེས་པས་སོ། །འདི་ ནི་ལུང་བསྟན་པའི་ཆོ་གའི་རིམ་པའོ།། །།དེ་ནས་ཡོལ་བ་ལ་སོགས་པས་དབེན་པར་བྱས་པའི་གནས་སུ་གཞོན་ནུ་མ་གཟུགས་དང་ལང་ཚོ་ལ་སོགས་པའི་དམ་ཚིག་དང་ལྡན་པའི་ཕྱག་རྒྱ་སློབ་མས་བླ་མ་ལ་ཕུལ་ཏེ། ཐལ་མོ་སྦྱར་ནས་བླ་མ་བཅོམ་ལྡན་འདས་མར མོས་པ་བྱས་ཏེ།ཁྱོད་ཉིད་ཀྱི་ནི་བཀའ་དྲིན་གྱིས། །བླ་ན་མེད་པའི་བྱ་བ་ཐོབ། །དེ་ཕྱིར་གསང་བ་ཡིན་དབང་། །མགོན་པོ་རྗེས་སུ་གཟུང་བར་མཛོད། །ཅེས་པས་གསོལ་བ་[(]གཏབ་[,]གདབ་[)]པར་བྱའོ། །དེ་ནས་སློབ་དཔོན་གྱིས་ལྷ་མོའི་ང་རྒྱལ་སྤངས་ཏེ་ བདེ་མཆོག་གི་ཆ་བྱད་དམ།ཐབས་ཀྱི་ཆ་བྱད་དུ་གནས། ཕྱག་རྒྱ་ཐ་མལ་གྱི་བདག་ཉིད་སྟོང་པའི་ངང་ལས་ལྷ་མོར་བསྐྱེད་པ་དང་། རྡོ་རྗེ་པདྨ་བྱིན་གྱིས་བརླབས་པ་སྔོན་དུ་སོང་བ་སྙོམས་པར་ཞུགས་པ་དང་། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོུ྅ཧཾ་ཞེས་བརྗོད་པ ཨ་དང་།སྙིང་གའི་ས་བོན་གྱིས་སྤྱན་དྲངས་པའི་ལྷ་མོ་སོ་སོ་རྣམས་དང་སྙོམས་པར་ཞུགས་པ་དང་དེ་རྣམས་བདག་ཉིད་ལ་བསྟིམ་མོ། །ཆགས་པ་ཆེན་པོས་ཞུ་ནས་ཨ་བ་དྷཱུ་ཏཱི་ནས་འཐོན་ཏེ་རྡོ་རྗེའི་ནོར་བུར་ལྷན་ཅིག་སྐྱེས་པ་བརྟན་པར་བྱས་ལ། མཐེ་བོ་དང་མིང་མེད་ཀྱིས་རྡོ་རྗེའི་ནོར་ བུ་བཟུང་ལ་པདྨ་ནས་བྱུང་སྟེ།དེ་བཞིན་གཤེགས་པ་ཞུ་བ་དང་བདག་ཉིད་ཀྱིས་བྱང་ཆུབ་ཀྱི་སེམས་ཐ་མི་དད་པར་དམིགས་ནས་སློབ་མ་གསུང་རྡོ་རྗེའི་གཟུགས་སུ་བསྐྱེད་ལ་མཐོང་ན་མ་གུས་པ་སྐྱེ་བས་མིག་རས་ཀྱིས་བཅིངས་ལ་ལག་པ་དང་། མིག་གི་སྤྱོད་ཡུལ་མ་ཡིན་པར་ཁ་རུ་དབབ་པ་ ནི།སངས་རྒྱས་རྣམས་ནི་སྲས་རྣམས་ལ། །རྡོ་རྗེ་འཛིན་སོགས་བྱང་ཆུབ་སེམས། །ཡིད་དུ་འོང་བས་དབང་བསྐུར་ལྟར། །དེ་ལྟར་བསྐུར་ཅིག་བུ་རྣམས་ལ། །ཞེས་པ་དང་དཀྱིལ་འཁོར་གྱི་གཙོ་མོའི་སྔགས་དང་བཅས་པས་བརྗོད་ཅིང་ངོ་། །དེས་ཀྱང་དེ་བཞིན་གཤེགས་པ་ ཐམས་ཅད་ཀྱིས་བླ་མའི་ཚོགས་ཀྱིས་ཀྱེ་མ་བདེའོ་ཞེས་བརྗོད་ཅིང་བཏུང་བར་བྱའོ།།ཕྱག་རྒྱ་མ་ལངས་ཏེ་གོས་དང་བྲལ་བར་བྱས་ལ་རང་གི་པདྨ་ན་གནས་པའི་ཐིག་ལེ་དེའི་ཁར་དབབ་པར་བྱའོ། །དེས་ཀྱང་དེ་ལྟར་བཏུང་བར་བྱའོ། །དེ་ཡང་ཐབས་དང་ཤེས་རབ་ཀྱི་ཀུན་རྫོབ་བྱང་ཆུབ་ སེམས་གསང་བས་ན་གསང་བའི་དབང་ངོ་།།འདི་ནི་གསང་བའི་དབང་གི་ཆོ་གའི་རིམ་པའོ།། །།དེ་ནས་སློབ་མས་བརྗོད་པ། །བྱང་ཆུབ་རྡོ་རྗེ་སངས་རྒྱས་ལ། །ཞེས་པ་ལ་སོགས་པས་གསོལ་བ་གདབ་པ་དང་། འདི་ནི་ཁྱོད་ཀྱི་ཡིད་འཛིན་མ། །བསྙེན་པར་སངས་ རྒྱས་ཉིད་ཀྱིས་བརྟགས།།འཁོར་ལོ་བསྐོར་བའི་སྦྱོར་བ་ཡིས། །བདེ་བ་དམ་པ་ཉམས་སུ་མྱོང་། །རྡོ་རྗེ་སྐྱིལ་ཀྲུང་མཚན་པ་ཡིས། །ནོར་བུའི་མཐའ་རུ་བལྟ་བར་བྱ། །ཞེས་པ་བརྗོད་ལ། དེ་ཉིད་དམ་ཕྱག་རྒྱ་གཞན་ཅིག་གཏད་པར་བྱའོ། །དེ་ཡང་གུར་ཀུམ་ལ་སོགས་པ་ དྲི་ཞིམ་པོས་ལུས་ལ་བྱུགས་ཏེ།སློབ་མ་ལ་ཆུ་སྐྱེས་བསྟན་ཅིང་། ཀྱེ་མ། བདག་གི་པདྨ་ངོ་མཚར་ཆེ། །བདེ་བ་ཀུན་གྱི་གཞི་དང་ལྡན། །ཆོ་ག་ཇི་བཞིན་བསྟེན་བྱས་ནས། །དེ་ཡི་མདུན་དུ་བདག་གནས་སོ། །པདྨའི་བྱ་བ་བྱེད་བཞིན་པས། །ཡང་དག་སངས་རྒྱས་མཉེས་བྱེད་ ན།།བདེ་ཆེན་པོ་ནི་འདི་ཉིད་ལ། །བདག་ཉིད་རྒྱུན་དུ་ཡང་དག་གནས། །བྷཉྫ་མོཀྵ་ཧོཿཞེས་བརྗོད་པ་དང་། དེ་ནས་རང་ཉིད་ལྷའི་ཆ་བྱད་བྱས་ཏེ། ཤེས་རབ་ལྷ་མོའི་གཟུགས་སུ་བསྐྱེད། །དེ་ནས་ཧཱུཾ་དཀར་པོ་དང་ཨཱ་དམར་པོས་རྡོ་རྗེ་དང་པདྨར་བསྐྱེད། བྱཱ་དང་དྱཱ་ཡིས་བུམ་པ་ དང་ཟེའུ་འབྲུར་བྱས་པ་ལ་དེ་དག་གིས་བྱིན་གྱིས་བརླབས་པ་དང་།གཡོན་གྱིས་གཡོན་ན་གནས་པའི་རྩ་མཛུབ་མོའི་རྩ་ལ་ཧྲཱིཿདམར་པོ་གཅིག་བསམ་པ་དང་། ལྕེ་ཡིས་སཱི་ཞེས་བརྗོད་ཅིང་བསྐྱེད་དོ། །ོཾ་སཱི་སཱི་སཱི་ཧ་ཧ་ཧ་སྭཱ་ཧཱ། ཞེས་པ་དང་། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་ བཛྲ་སྭ་བྷཱ་བ་ཨཱཏྨ་ཀོུ྅ཧཾ་ཞེས་པ་ཡང་བརྗོད་ཅིང་བླ་མའི་གདམས་ངག་ལས་དགའ་བའི་དབྱེ་བ་རྣམས་ཤེས་པར་བྱས་ལ།བདག་ཉིད་ཀྱི་སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་པའི་དེ་བཞིན་གཤེགས་པས་རང་གི་ལུས་བྱིན་གྱིས་བརླབས་ཏེ་བླ་མས་ཀྱང་དེ་བཞིན་གཤེགས་པ་ དཔག་ཏུ་མེད་པ་བཅུག་པས་རོ་གཅིག་ཏུ་གྱུར་པར་བསམ་ཞིང་སྙོམས་པར་འཇུག་ཏུ་གཞུག་གོ།།འཁོར་ལོ་བསྐོར་བའི་སྦྱོར་བ་ཡིས། །བདེ་བ་དམ་པ་ཉམས་སུ་མྱོང་། །རྡོ་རྗེ་སྐྱིལ་ཀྲུང་མཚན་པ་ཡིས། །ནོར་བུའི་མཐའ་རུ་བལྟ་བར་བྱ། །ཞེས་པའི་དོན་གོ་བར་བྱ་སྟེ་ཇི་ལྟར་ རིགས་པ་ལྟར་བཟུང་ལ་དལ་གྱིས་དལ་གྱིས་བཏང་ཞིང་པདྨ་ནས་ལྕེས་བླང་བར་བྱ་སྟེ།དེ་ཁོ་ནའི་རང་བཞིན་དུ་བཏུང་བར་བྱའོ། །འདི་ནི་ཤེས་རབ་ཡེ་ཤེས་ཀྱི་དབང་གི་ཆོ་གའི་རིམ་པའོ།། །།དེ་ནས་དབང་གསུམ་པ་བླངས་པ་དེ་ལ་བཞི་པ་ཚིག་དབང་སྦྱིན་པ་ནི། ཤེས་རབ་ཡེ་ཤེས་དེས་གནས་སྐབས་ཀྱི་བྱེ་བྲག་ཐོབ་པ་བསྒོམས་པས་བྱང་ཆུབ་ཀྱི་སེམས་འཕེལ་ཞིང་ཉོན་མོངས་པ་དག་ནས་ཆོས་ཐམས་ཅད་བསམ་དུ་མེད་པ་དག་དང་རྣམ་པར་རྟོག་པའི་སྤྱོད་ཡུལ་མ་ཡིན་པ་ཕྱག་རྒྱ་ཆེན་པོའི་བདག་ཉིད་རྡོ་རྗེ་འཛིན་པ་ཆེན་པོའི་རང་བཞིན འདི་རྣམས་ཀྱི་དོན་བརྗོད་པ་འདི་ནི་དབང་བཞི་པའི་ཆོ་གའི་རིམ་པའོ།། །།དེ་ནས་ཕྱག་རྒྱའི་ལག་པ་སློབ་མའི་ལག་ཏུ་གཏད་པ་དང་། དེ་དག་སློབ་དཔོན་གྱི་ལག་པ་གཡོན་པས་བཟུང་ལ། གཡས་པ་རྡོ་རྗེ་དང་བཅས་པ་སློབ་མའི་མགོ་ལ་བཞག་སྟེ་བརྗོད་པ། ཁྱོད་ལ་ངས འདི་གཏད་པའི་དཔང་པོ་དེ་བཞིན་གཤེགས་པ་རྣམས་ཡིན་ནོ།།ཞེས་པས་སོ། །དེ་ལྟར་དེ་བཞིན་གཤེགས་པ་རྣམས་ཀྱིས་དཔང་པོ་བྱས་ཏེ། དེ་ལྟར་རྣམ་པར་སྦྱོར་བ་འདིས། །ཁམས་གསུམ་རྣམ་པར་དག་བྱེད་པས། །གང་གིས་བྱེད་པར་མི་འགྱུར་ན། །ཐབས་གཞན་གྱིས་ནི་ སངས་རྒྱས་མིན།།འདི་ནི་སངས་རྒྱས་ཐམས་ཅད་ཀྱི། །རིག་མའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདས་པ་ན། །དེ་ལ་དངོས་གྲུབ་ག་ལ་ཡོད། །ཅེས་བརྗོད་ལ་རིག་མའི་བརྟུལ་ཞུགས་སྦྱིན་ནོ། །འདི་ནི་རིག་མའི་བརྟུལ་ཞུགས་ཀྱི་ཆོ་གའི་རིམ་པའོ།། །།དེ་ནས། བཞི་པ་དེ་ཡང་དེ་བཞིན་ནོ། ། ཞེས་པའི་དོན་ནི། བྱང་ཆུབ་སེམས་ཀྱི་དབང་བསྐུར་གྱིས། །སློབ་མའི་དྲི་མ་རྣམ་པར་དག་།དེ་ནས་རྗེས་སུ་གནང་བ་སྦྱིན། །ཞེས་པའི་ཚིག་གིས་སློབ་མ་གང་ཞིག་སྟན་ལ་བསྡད་པ་ལས། བྷྲུཾ་ལས་ཆོས་ཀྱི་འཁོར་ལོ། ཨོཾ་བཛྲ་ཧེ་ཏུ་མཾ་ཞེས་བརྗོད་དེ་རྐང་པ་དག་ལ་སྦྱིན་ནོ། ། ཨཿལས་བྱུང་བའི་དུང་དང་དབྱངས་ཡིག་དང་པོ་ལས་བྱུང་བའི་པོ་ཏི་དང་། དབྱངས་ཡིག་ཐ་མ་ལས་བྱུང་བའི་དྲིལ་བུ་རྣམས་ལག་པ་གཡས་པ་དང་གཡོན་པ་རུ་གཏད་ལ། །སློབ་མ་དེ་ཉིད་དྲིལ་བུ་འཁྲོལ་དུ་གཞུག་ཅིང་བརྗོད་པ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ཉིད་ལ་མཚན་ཉིད་བྲལ། །ནམ མཁའ་དང་ནི་མཚུངས་པ་ཡིས།།ཀུན་གྱི་མཆོག་སྟེ་དེ་ཉིད་གསལ། །དེང་ནས་བརྩམས་པ་ཙམ་གྱིས་ཀྱང་། །ཆོས་ཀྱི་དུང་ནི་བླ་མེད་པ། །ཀུན་ཏུ་གང་བར་བྱེད་བཞིན་པས། །ཆོས་ཀྱི་འཁོར་ལོ་རབ་ཏུ་ བསྐོར།།ཞེས་པས་སོ། །དེ་ལྟར་ཐུན་མོང་གི་རྗེས་སུ་གནང་བ་བྱིན་ལ། ཁྱད་པར་གྱི་རྗེས་སུ་གནང་བ་ནི། རིམ་པ་ཇི་ལྟ་བ་བཞིན་དུ་སློབ་མ་རྣམ་པར་སྣང་མཛད་ལ་སོགས་པའམ། བཅོམ་ལྡན་འདས་མ་ལ་སོགས་པའི་གཟུགས་སུ་བསྒོམས་ལ། སེམས་ཅན་ཀུན་ལ་ ཕན་བྱའི་ཕྱིར།།འཇིག་རྟེན་མ་ལུས་ཐམས་ཅད་ལ། །ཇི་ལྟར་འདུལ་བའི་ཆོས་རྣམས་ཀྱི། །འཁོར་ལོ་རབ་ཏུ་བསྐོར་བར་གྱིས། །ཐབས་དང་ཤེས་རབ་རང་བཞིན་བདག་།ཡིད་བཞིན་ནོར་བུ་དང་མཚུངས་པར། །དལ་མེད་དམིགས་པ་རྣམས་དང་བྲལ། །སེམས་ཅན་ དོན་རྣམས་དེ་རིང་གྱིས།།ཞེས་པ་སྟེ། ཆོས་ཀྱི་གནས་སུ་རྡོ་རྗེ་དང་རིན་པོ་ཆེ་དང་པདྨ་དང་ལས་རྣམས་ཀྱི་སྒྲ་ལན་ལྔ་བརྗོད་ཅིང་རྗེས་སུ་གནང་བ་སྦྱིན་པར་བྱའོ། །དེས་ཀྱང་ཕྱག་འཚལ་ཏེ་བརྗོད་པའོ། །མངའ་བདག་བཀའ་སྩལ་དེ་ལྟར་བགྱི། །ཞེས་པ་འདི་ནི་རྗེས་སུ་གནང་ བའི་ཆོ་གའི་རིམ་པའོ།། །།དེ་ནས་ཤར་སྒོར་སློབ་མའི་སྟེང་དུ་གདུགས་བཟུང་ལ་ཐལ་མོ་སྦྱར་ཏེ་བརྗོད་པ། སློབ་མ་འདི་ནི་ཁྱོད་ལ་གཏད། །རྒྱུད་ཀྱི་འཛིན་པ་པོ་རུ་མཛོད། །ཅེས་དཀྱིལ་འཁོར་གྱི་གཙོ་བོ་ལ་གསོལ་བ་བཏབ་པ་དང་། གདུགས་གཞན་དུ་བཞག་སྟེ བརྗོད་པ།ད་ནི་དཀྱིལ་འཁོར་སློབ་དཔོན་འགྱུར། །སྔགས་དང་རྒྱུད་ཀྱི་འཛིན་པ་ཁྱོད། །སངས་རྒྱས་རྣམས་དང་བྱང་སེམས་དང་། །ལྷ་རྣམས་ཀུན་ཀྱང་མཉེས་པར་འགྱུར། །སེམས་ཅན་ཀུན་ལ་བརྩེ་བ་ཡིས། །མཆོག་བཞིན་དཀྱིལ་འཁོར་ཁྱོད་ཉིད་ཀྱིས། །ཤིན་ཏུ་རྩོལ་བས་ བྲི་བར་མཛོད།།སྒྲུབ་པ་པོ་ཡི་རྒྱུད་ལ་ཞུགས། །གསང་བ་མཆོག་གི་དཀྱིལ་འཁོར་དུ། །མཆོག་ཏུ་བལྟ་ཞིང་ཞུགས་པ་ཡིས། །དེ་རིང་ཁྱོད་ཀྱི་སྡིག་པ་རྣམས། །མ་ལུས་གྲོལ་ནས་ཡང་དག་གནས། །གཞན་ཡང་ཁྱོད་ལ་འཕོ་བ་མེད། །བདེ་ཆེན་ཐེག་པ་འདི་ཉིད་ཀྱིས། །འཁོར་བ་ ཤིན་ཏུ་དག་བྱས་ནས།།འཁོར་བའི་སྡུག་བསྔལ་རྣམས་ལས་ལོག་།ཚེ་ལྡན་དེ་རིང་དབང་ཉིད་ཀྱིས། །སངས་རྒྱས་ཀུན་ཀྱང་རྡོ་རྗེར་བཅས། །ཁམས་གསུམ་ཀུན་གྱི་རྒྱལ་སྲིད་ཀྱི། །རྗེ་བོར་ཁྱོད་ཉིད་ངེས་པའོ། །འདོད་ཆགས་བྲལ་བའི་སྡིག་ལྟ་བུ། །ཁམས་གསུམ་ན་ནི་ཡོད་པ་ མིན།།དེ་ཕྱིར་འདོད་ཆགས་དང་བྲལ་བ། །ཁྱོད་ཀྱིས་ནམ་ཡང་མ་བྱེད་ཅིག་།ཆགས་པ་ཀུན་ལ་ཉེ་བར་སྤྱོད། །བདེ་ཆེན་ནམ་ཡང་འཇིགས་མ་བྱེད། །ཤ་ལྔ་བདུད་རྩི་དང་བཅས་སྤྱོད། །དམ་ཚིག་གཞན་ཡང་དེ་བཞིན་བསྲུང་། །སྲོག་གཅོད་པ་ནི་ནམ་ཡང་ མིན།།དཔལ་གྱི་རིན་ཆེན་སྤང་མི་བྱ། །སྡོམ་པ་སྤང་བར་མི་བྱ་ཞིང་། །ཁྱོད་ཀྱིས་སློབ་དཔོན་མི་སྤོང་ངོ་། །དེ་བཞིན་གཤེགས་པས་གསུངས་པ་ལྟར། །མི་བྱ་བ་ནི་ཅི་ཡང་མེད། །ཤེས་རབ་ཐབས་ཀྱི་སེམས་བསྟན་པས། །ཁྱོད་ལ་སྡིག་མེད་འཇིགས་མི་དགོས། །ཆོ་ག་ཇི་ལྟ་བ་ བཞིན་དབང་བསྐུར་བས།།ཡིད་དུ་འོང་བའི་བུ་ལ་བྱ་བ་ལྟར། །བརྩེ་བའི་ཡིད་ཀྱིས་དཔའ་བོ་རྣམས་དང་ནི། །དཔའ་མོ་ཀུན་ལ་གུས་པས་མཉམ་པར་ཞོག་།ཉིད་ཀྱི་ཉིད་ཀྱིས་གུས་པས་རྒྱུན་མི་འཆད་པ་དང་། །དམ་ཚིག་དག་གིས་མི་ཟད་བདེ་བ་སྟེར་བ་ནི། །བདེ་མཆོག་ལ་གནས་ རྡོ་རྗེ་རྣལ་འབྱོར་མ་རྣམས་དང་།།མཉམ་པའི་མི་འགྱུར་བ་རུ་ཁྱོད་རྣམས་འགྱུར་བའོ། །ཞེས་པ་ནི་དབུགས་དབྱུང་བའི་ཆོ་གའི་རིམ་པའོ།། །།དེ་ནས་སློབ་མ་དེ་ལྟར་དབང་བསྐུར་བ་ཐོབ་པ་དང་། དེ་རིང་བདག་ཅག་འབྲས་བུར་བཅས། །དེ་རིང་བདག་ནི་སྲོག་དང་ལྡན། །དེ་ རིང་སངས་རྒྱས་རིགས་སུ་སྐྱེས།།དེ་རིང་སངས་རྒྱས་གནས་སུ་འགྱུར། །ཞེས་བརྗོད་ནས་རྟ་དང་གླང་པོ་རིན་པོ་ཆེ་དང་གསེར་དང་དངུལ་དང་གོས་དང་རྒྱན་དང་བ་ལང་དང་གཡོག་པོ་དང་གཡོག་མོ་དང་ཆུང་མ་དང་བུ་ལ་སོགས་པ་ཇི་ལྟར་འབྱོར་པ་བླ་མ་ལ་དབུལ་བར་བྱའོ། །དེ་ནས་ཉིན་མོའི་དུས་ སུ་གཞོན་ནུ་མ་དང་དགེ་སློང་དང་དགེ་སློང་མ་རྣམས་ལ་སྟོན་མོ་དང་ཆོས་སྟོན་དྲངས་ལ་ཇི་ལྟར་ནུས་པའི་ལྔའམ་བཅུ་གསུམ་མམ་ཉི་ཤུ་རྩ་གཅིག་གམ་ཉི་ཤུ་རྩ་དགུའམ་སུམ་ཅུ་སོ་དྲུག་གི་དཔའ་བོའམ་དཔའ་མོ་རྣམས་མཚན་མོའི་དུས་སུ་གཞན་གྱིས་མ་ཚོར་བར་འདུ་འཛི་མེད་པའི་གནས་སུ་དཀྱིལ་འཁོར གྱི་འཁོར་ལོའི་རྣམ་པར་ཇི་ལྟར་སྙེད་པའི་གདན་ལས་གོས་དང་བྲལ་བ་སྐྲ་གྲོལ་བ་གྲི་གུག་དང་ཐོད་པ་འཛིན་པ་ཕྱག་རྒྱ་ལྔས་བརྒྱན་པ་དང་།ཁ་ཊྭཱཾ་ག་དང་ཌ་མ་རུ་འཛིན་པའི་དམ་ཚིག་དང་ལྡན་པ་དང་དམ་ཚིག་དང་ལྡན་མ་རྣམས་སོ། །སློབ་དཔོན་གྱི་གཡོན་དུ་རྡོ་རྗེའི་རིག་མ་བཞག་གོ། །དེ་ལྟར་རྙེད་པའི་སྡེར་ རྣམས་དགྲམ་པར་བྱའོ།།དེ་ནས་སློབ་དཔོན་གྱི་ཆང་ལ་སོགས་པ་ལ་སྒྲུབ་ཐབས་སུ་བཤད་པའི་ཆོ་ག་ལྟར་སྦྱངས་ལ་དཀྱིལ་འཁོར་གྱི་འཁོར་ལོ་ལ་སོགས་པའི་ལྷའི་ཚོགས་རྣམས་ཡང་དག་པར་མཆོད་པ་དང་། དག་པར་བྱས་པའི་ཆང་གིས་ལག་པ་གཡོན་པའི་མིང་མེད་ཀྱིས་ མཎྜལ་གྱི་དབུས་སུ་ཟླུམ་པོ་ཕྱི་རོལ་དུ་ཆོས་འབྱུང་བྲིས་ལ།དེའི་དབུས་སུ་ས་བོན་གྱི་འོད་ཟེར་གྱིས་སྤྱན་དྲངས་པའི་ལྷའི་ཚོགས་བཞུགས་པ་མཉེས་པར་བྱའོ། །ཕྱིའི་རྣལ་འབྱོར་མ་རྣམས་ལ་ཡང་དེ་ལྟར་ལྷ་མོའི་ཚོགས་བཅུག་ལ་བདག་ཉིད་དཀྱིལ་འཁོར་གྱི་གཙོ་མོར་ བསྒོམ་པ་དང་།དམ་ཚིག་གི་རྫས་རྣམས་སྔ་མ་ལྟར་དག་པར་བྱས་པའམ། ཨོཾ་སརྦ་བཛྲ་ཌཱ་ཀི་ནཱི་སརྦ་བྷཀྵཾ་ཤོ་དྷ་ཡ་གུ་ཧྱ་བཛྲེ་ཎི་ཧཱུཾ་སྭཱ་ཧཱ་ཞེས་པའི་སྔགས་ཀྱིས་སྐད་ཅིག་གིས་བདུད་རྩིར་བྱས་ལ་དྲངས་པ་ནི་ཡོན་བདག་གིས་མཎྜལ་བྱས་ནས་ཕྱག་བྱས་ལ་ཅི་བདེ་བར་གསོལ་བར་ཞུ་ ཞེས་བརྗོད་དོ།།དེ་ནས་ལས་ཀྱི་རྡོ་རྗེས་མྱོས་བྱེད་ཀྱི་སྣོད་ལག་པ་གཡས་པར་གཞག་ལ་གཡོན་པ་སྟེང་དུ་ཕྱོགས་པས། ལྟོས་ཤིག་རང་གི་སེམས་ཉིད་ལ། །འདི་ལ་ཐེ་ཚོམ་མ་བྱེད་ཅིག་།བྲམ་ཟེ་ཁྱི་དང་གདོལ་པ་རྣམས། །རང་བཞིན་གཅིག་ཏུ་བཟའ་བར་གྱིས། །ཞེས་ བརྗོད་དེ་དྲང་བར་བྱའོ།།རྣལ་འབྱོར་པ་དང་རྣལ་འབྱོར་མ་རྣམས་ཀྱང་པདྨའི་ལག་ཀོར་བྱས་ལ། བདེ་གཤེགས་ཆོས་རྣམས་འགྱུར་བ་མེད། །དྲི་མ་མེད་ཅིང་གཟུང་དུ་མེད། །འདི་ལ་འཛིན་པར་བྱེད་པ་མེད། །འཁྲུལ་པ་མེད་པར་སྐྱབས་སུ་མཆི། །ཞེས་བརྗོད་ལ་དེ་ ལྟར་བླང་བར་བྱའོ།།དེ་ཉིད་ཀྱི་ཕུད་སློབ་དཔོན་ལ་ཕུལ་ལ་དེ་ནས་རང་གིས་བཏུང་བར་བྱའོ། །དེ་ནས་བཏུང་བ་དང་བལྡག་པ་དང་བཟའ་བ་ལ་སོགས་པ་སྣོད་བྱེ་བྲག་ཏུ་དྲང་བ་ནི་སློབ་དཔོན་ལ་མྱོས་བྱེད་ཀྱི་སྣོད་ལ་སོགས་པ་ཉིས་འགྱུར་དུ་དྲང་བར་བྱེད་དོ། །དེ་ལྟར་མྱོས་བྱེད་ལ་ སོགས་པས་སེམས་བཏེག་ནས་སློབ་དཔོན་ལ་གནང་བ་ཞུས་ལ་མཉེན་ལ་ཕྲ་བ་རྡོ་རྗེའི་གླུ་བླང་བར་བྱ་བ་ནི་དེ་དང་དེའི་ཕྱག་རྒྱ་བྱ་ཞིང་གར་དང་བཅས་པས་སོ།།འགྲོ་བ་དང་འོང་བའི་དུས་སུ་ཡང་གནང་བ་ཞུ་བར་བྱའོ། །དེ་ནས་མྱོས་བྱེད་ལ་སོགས་པས་མཉེས་པར་བྱས་ལ། སེམས་ ཤིན་ཏུ་བཏེགས་པར་གྱུར་ན་མིག་ཟུར་གྱིས་ལྟ་བ་དང་འོ་དང་འཁྱུད་པ་དང་ནུ་མ་ལ་རེག་པ་ལ་སོགས་པའི་ཀ་ར་ཎ་དཔག་ཏུ་མེད་པ་བྱ་བ་ནི་རྣམ་རྟོག་དང་ངོ་ཚ་ལ་སོགས་པ་སྤངས་ལ་བྱའོ།།དེའི་དུས་སུ་ཡན་ལག་མ་ཚང་ཞིང་གཟུགས་ངན་པར་གྱུར་ཀྱང་སྤང་བར་ མི་བྱའོ།།དེ་ནས་ལྷག་མ་གྲལ་མཇུག་ནས་བསྡུས་ལ་མདུན་དུ་བཞག་སྟེ་དེ་རུ་ཡང་མྱོས་བྱེད་ལ་སོགས་བླུགས་ལ། མྱོས་བྱེད་ཀྱིས་ཁ་བཀང་སྟེ་འབར་བའི་ཕྱག་རྒྱ་བཅིངས་པ་ནས་ཧཱུཾ་ཞེས་བརྗོད་ཅིང་དེ་རུ་བླུགས་སོ། །དེ་ནས་ཨོཾ་ཁ་ཁ་ཁཱ་ཧི་ཁཱ་ཧི་ཨུཙྪི་ཥྚ་བ་ལིཾ་ཨུཙྪི་ཥྚི་བྷ་ཀྵ་ཀ་སྭཱ་ཧཱ་ཞེས་ པས་བྱིན་གྱིས་བརླབས་ཏེ་ལྷག་མའི་གཏོར་མ་མར་མེ་དང་བཅས་པ་ཕྱི་རོལ་དུ་ཁྱེར་ལ་གཏད་པར་བྱའོ།།དེ་ནས་ཡོན་གྱི་བདག་པོས་ཇི་ལྟར་འབྱོར་པའི་ཡོན་ཕུལ་ལ་མཎྜལ་བྱས་ཏེ་ཕྱག་བཙལ་ནས། བསོད་ནམས་འདི་ཡིས་སེམས་ཅན་ཐམས་ཅད་ཕྱག་རྒྱ་ཆེན་པོའི་དངོས་གྲུབ་ཐོབ་ པར་གྱུར་ཅིག་ཅེས་བརྗོད་དོ།།འདི་ནི་ཚོགས་ཀྱི་འཁོར་ལོའི་ཆོ་གའི་རིམ་པའོ།། །།དེ་ནས་མཚན་མོའི་དུས་སུ་ལུགས་མ་ལ་སོགས་པ་མདུན་དུ་བྱས་ཏེ། སྟོང་པའི་ངང་ལས་སྐད་ཅིག་གིས་ལུགས་མ་ལ་སོགས་པ་རྣམས་རང་རང་གི་སྙིང་གའི་ས་བོན་དང་བཅས་པར་ བསམ་པ་དང་དཀྱིལ་འཁོར་དུ་བཅུག་ལ།དཀྱིལ་འཁོར་གྱི་ཤར་ཕྱོགས་སུ་ཁྲུས་བྱས་ནས་ཞལ་བསིལ་བྱིན་ལ་ནིར་མཉྫ་བྱ་བ་ནི། ཨོཾ་བཾ་ཧཾ་ཡོཾ་ཧྲིཾ་མོཾ། །ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ་ཅེས་པའམ། ཨོཾ་ཨཱཿ་བིགྷ་ནཱན་ཏ་ཀྲྀ་ཏ་ཧཱུཾ་ཞེས་པ་དང་། ཧཱུཾ་ཞེས་པ་བརྗོད་ཅིང་ལན་བདུན་བཟླས་ པ་ནི་ལག་པ་གཡས་པ་དང་གཡོན་པས་ཡུངས་ཀར་བླངས་ལ་གཡས་དང་གཡོན་དུ་ལན་གཉིས་སུ་བསྐོར་ཞིང་།ོཾ་སརྦ་པཱ་པ་ད་ཧ་ན་བཛྲ་སཏྭ་སྱ་སརྦ་པཱ་པ་ད་ཧ་སྭཱ་ཧཱ་ཞེས་པས་བྲབས་པའི་ཡུངས་ཀར་མེ་ལ་བསྲེག་གོ། །དེ་ལྟར་ཆུ་དང་ཁམ་ཕོར་དཀར་པོ་དང་དཱུ་རྦ་དང་ལྕི་བའི་ཆང་ བུ་ཟན་གྱི་ཆང་བུ་བསིལ་བྱེད་ཀྱི་རས་རྣམས་ཀྱང་ངོ་།།ལག་པ་གཉིས་ཀྱིས་རེག་པར་བྱས་ལ་མེ་ཏོག་ལ་སོགས་པས་མཆོད་པར་བྱའོ། །འདི་ནི་ནིར་མཉྫ་ནའི་ཆོ་གའི་རིམ་པའོ།། །།དེ་ནས་བདུད་རྩི་ལྔ་དང་བའི་རྣམ་ལྔ་ལ། ཨོཾ་ཧཱུཾ་ཏྲཱཾ་ཧྲཱིཿ་ཨཿ་ཞེས་པ་བརྗོད་ཅིང་ལུགས་མ་ལ་སོགས་ པ་ལ་བྱུག་པའོ།།བྲིས་སྐུ་ལ་སོགས་པ་ལ་མེ་ལོང་ལ་ཁྲུས་བྱའོ། །དེ་ནས་བུམ་པ་ལ་སོགས་པའི་ཆུས་བཀྲ་ཤིས་ཀྱི་གླུ་སྔོན་དུ་སོང་བས། བྱང་ཆུབ་རྡོ་རྗེ་ཞེས་པ་ལ་སོགས་པ་ཡང་བརྗོད་དེ་ཁྲུས་བྱས་ལ་ན་བཟའ་བསྐོན། བསྟོད་པ་བྱས་ལ་གཤེགས་སུ་གསོལ་ལོ། །འདི་ལྷ་ལྷག་ པར་གནས་པའི་ཆོ་གའི་རིམ་པའོ།། །།དེ་ནས་རྒྱུད་དང་རྒྱུད་ཀྱི་ལྷའི་བྱེ་བྲག་གོ་བར་བྱས་པ་དང་། སྟོང་པའི་ངང་ལས་སྐད་ཅིག་གིས་ལུགས་མ་ལ་སོགས་པའི་དམ་ཚིག་སེམས་དཔའ་བསྐྱེད་དོ། །པོ་ཏི་དང་ལྷ་ཁང་ལ་སོགས་པ་རྣམས་ཧྲཱིཿ་དང་བྷྲཱུཾ་ལས་འོད་དཔག་མེད་ལ སོགས་པའི་གཟུགས་སུ་བསམ་པར་བྱའོ།།ཡེ་ཤེས་སེམས་དཔའ་བཅུག་སྟེ་སློབ་མ་དང་མཚུངས་པར་དབང་བསྐུར་རོ། །དེ་ནས་ལྷ་སོ་སོའི་སྔགས་ཀྱིས་ན་བཟའ་དབུལ་ལོ། །ཡང་ན་ཨོཾ་ཨཱཿ་དང་པོར་དེ་བརྗོད། དེ་ན་བཟའ་བ་ལ་སོགས་པ་བར་དུ་བཅུག་སྟེ། ཧཱུཾ་སྭཱ་ཧཱ་མཐའ་མར་ སྦྱར་བའོ།།ོཾ་ཨཱཿ་སརྦ་ཤོ་དྷ་ནི་ཧཱུཾ་ཕཊ་ཅེས་པས་རྣམ་པར་སྦྱངས་ལ། ཨོཾ་བཛྲེ་སྭཱ་ཧཱ་ཞེས་པས་འབྲས་བུ་ལ་སོགས་པ་དབུལ་ལོ། །ོཾ་བཛྲ་སཏྭ་ཨཱཿ་ཞེས་པས་མེ་ལོང་བསྟན་ནོ། །དེ་ནས་སྦྱིན་སྲེག་གིས་མཉེས་པར་བྱའོ། །དངུལ་གྱི་སྣོད་ལ་གནས་པ་ཡི། །སྦྲང་རྩི་ གསེར་གྱི་ཐུར་མ་ཡིས།།ོཾ་ཙཀྵུ་ཙཀྵུ་ས་མནྟ་ཙ་ཀྵུར་བི་ཤོ་དྷ་ནི་སྭཱ་ཧཱ་ཞེས་པའི་སྔགས་ཀྱིས་བྱུགས་ལ་སྤྱན་དབྱེ་བར་བྱའོ། །ོཾ་དི་བྱཾ་ཨནྣེ་ས་མཱ་དྷི་དྷྱཱ་ན་པྲཱི་ཎ་ནེ་སྭཱ་ཧཱ། ཞེས་པས་འོ་མ་ལ་བཙོས་པའི་ཐུག་པ་དྲང་ངོ་། །ཞལ་བསིལ་ལ་སོགས་པ་དྲངས་ཏེ། ཨོཾ་ཧཱུཾ་ཏྲཱཾ་ཧྲཱིཿ་ཨཿ་ ཞེས་པས་དམ་ཚིག་བསྒྲགས་ལ་པོ་ཏི་ལ་སོགས་པ་འོད་དཔག་མེད་ལ་སོགས་པ་རིག་མ་དང་བཅས་པ་ཞུ་བ་དང་ཡི་གེ་དང་ལྷ་ཁང་ལ་སོགས་པའི་གཟུགས་སམ།ལུགས་མ་ལ་སོགས་པ་སྟོང་པའི་ངང་ལས་སྐད་ཅིག་གིས་དམ་ཚིག་གི་སེམས་དཔའི་གཟུགས་སུ་བསྐྱེད་ལ། དེ་ལ་ཡེ་ ཤེས་སེམས་དཔའ་རང་གི་ས་བོན་གྱིས་བཅུག་ལ་བུམ་པའི་ཆུས་དབང་བསྐུར་ཞིང་སྙིང་གའི་ས་བོན་གྱིས་དྲངས་པའི་དེ་བཞིན་གཤེགས་པ་རྣམས་ཀྱིས་ཀྱང་དབང་བསྐུར་བར་བསམ་མོ།།དེ་ཉིད་ཀྱི་སྔགས་བརྒྱ་རྩ་བརྒྱད་བཟླས་པ་ནི་རབ་ཏུ་གནས་པའོ། །དེ་ནས་ཐལ་མོ་སྦྱར་ཏེ། ཇི་ ལྟར་སངས་རྒྱས་ཐམས་ཅད་ཀྱིས།།དགའ་ལྡན་གནས་ན་བཞུགས་ནས་ཀྱང་། །སྒྱུ་མ་ལྷ་མཛེས་ལ་ཞུགས་ལྟར། །དེ་ལྟར་འདི་ལ་བརྟན་པར་བཞུགས། །མགོན་པོ་རྒྱུན་དུ་འདིར་བཞུགས་ལ། །བྱང་ཆུབ་སེམས་ཉིད་འཕེལ་བྱའི་ཕྱིར། །མཆོད་པ་ལ་སོགས་འདི་ དག་རྣམས།།ཆེ་གེའི་དོན་དུ་བཞེས་པར་ཞུ། །ཞེས་པས་གསོལ་བ་གདབ་པ་དང་བསྟོད་པ་བྱས་ནས་ཡི་གེ་བརྒྱ་པ་གདོན། བཟོད་གསོལ་བྱ། རབ་ཏུ་གནས་པའི་ལྷ་མ་ཡིན་པ་རྣམས་གཤེགས་སུ་གསོལ་བར་བྱས་པ་དང་། སློབ་དཔོན་ལ་ཇི་ལྟར་རིགས་པའི་ཡོན་དབུལ་ལོ། ། འདི་ནི་རབ་ཏུ་གནས་པའི་ཆོ་གའི་རིམ་པའོ།། །།དེ་ནས་དབང་བསྐུར་བ་དང་རབ་ཏུ་གནས་པ་ལ་སྦྱིན་སྲེག་གསུངས་པས་དེའི་ཕྱིར་སྦྱིན་སྲེག་བཤད་པར་བྱའོ། །དེ་ཡང་ཞི་བ་ལ་ཐབ་ཁུང་དཀར་ལ་ཟླུམ་པ་ཤར་དུ་ཕྱོགས་པ་ཁྲུ་གང་བའོ། །རྒྱས་པ་ལ་གྲུ་བཞི་པ་སེར་པོ་ལྷོ་རུ ཕྱོགས་པ་གོང་གི་ཚད་དོ།།བསད་པ་ལ་སོར་བརྒྱད་པ་ནག་པོ་གྲུ་གསུམ་བྱང་དུ་ཕྱོགས་པའོ། །དབང་དུ་གྲུ་གསུམ་དམར་པོ་ནུབ་ཏུ་ཁ་ཕྱོགས་པ། སོར་བཅུ་གཉིས་པའོ། །ཐབ་ཁུང་ཐམས་ཅད་ཀྱི་རྒྱའི་ཕྱེད་གཏིང་དུ། མཆུ་ལ་བརྒྱད་ཆ་དེའི་ཕྱེད་ཀྱིས་ཕྱིའི་མུ་ཁྱུད་དོ། །མཆུའི་ཚད་ཀྱིས་ དེའི་ཕྱིའི་སྟེགས་བུའོ།།ཐབ་ཁུང་རྣམས་ཀྱི་དབུས་དང་། སྟེགས་བུ་རྣམས་ལ་རྡོ་རྗེ་དང་འཁོར་ལོ་ལ་སོགས་པའི་མཚན་མ་རྣམས་བྲིའོ། །དེའི་ནང་དུ་འོ་མ་ཅན་གྱི་ཤིང་ལ་སོགས་པ་ཇི་ལྟ་བ་བཞིན་བརྩིག་གོ། །དེ་ནས་སློབ་དཔོན་ལས་དང་མཐུན་པའི་ཆོས་དང་ལྡན་པས་ཐབ་ཁུང་དང་ མཚུངས་པའི་དབྱིབས་ཀྱི་སྟན་ལ་བསྡད་དེ།སྟོང་པའི་ངང་ལས་སྐད་ཅིག་གིས་རྡོ་རྗེ་རྣལ་འབྱོར་མའི་སྐུ་བསྒོམས་ལ་ཐབ་ཀྱི་དབུས་སུ་རཾ་དམར་པོ་ལ་སོགས་པ་ལས་བྱུང་བའི་ཕྲེང་བ་དང་མི་འཇིགས་པ་དང་དབྱུག་པ་དང་སྤྱི་བླུགས་རྣམས་ལག་པ་གཡས་པ་དང་གཡོན་པ་རྣམས་ ཀྱིས་བསྣམས་པའི་ཁ་དོག་དམར་པོ་ལ་སོགས་པའོ།།དེ་ཉིད་ཀྱི་པདྨ་དང་ཉི་མ་ལ་གནས་པ་རཾ་གྱི་འོད་ཟེར་གྱིས་སྤྱན་དྲངས་པའི་ཡེ་ཤེས་སེམས་དཔའ་དང་རོ་གཅིག་ཏུ་གྱུར་པ་དེའི་སྙིང་གའི་པདྨ་ལ་བདག་ཉིད་ཀྱི་ས་བོན་གྱིས་སྤྱན་དྲངས་པའི་དཀྱིལ་འཁོར་གྱི་འཁོར་ ལོ་གཞུག་པར་བྱའོ།།དེ་ནས་མཆོད་པ་སྔོན་དུ་སོང་བ་དང་། ཨོཾ་ཨགྣ་ཡེ་སྭཱ་ཧཱ། ཞེས་པས་དང་པོར་དགང་བླུགས་སྦྱིན་ནོ། །དེ་ནས་ཨོཾ་ན་མཿ་ས་མནྟ་བུདྡྷཱ་ནཱཾ་ཆེ་གེ་ཤཱནྟིཾ་ཀུ་རུ་སྭཱ་ཧཱ་ཞེས་པ་ལ་སོགས་པ་སྟེ། དེ་ནས་མེའི་དགེ་བ་དང་མི་དགེ་བ་བརྟག་པར་བྱའོ། །དེ་ནས་ལྷ་སོ་ སོའི་སྔགས་བརྗོད་ཅིང་དེ་ཉིད་ཀྱི་སྙིང་གར་དཀྱིལ་འཁོར་འཁོར་ལོ་བལྟས་ལ།ཞི་བ་ལ་སོགས་པའི་ལས་ཀྱི་དབྱེ་བས་བསྲེག་པར་བྱ་བ་ནི་དེ་ཡང་ཨ་ཤྭདྠ་དང་། པ་ལ་ཀྵ་དང་། ཨུ་དུམ་བཱ་ར་དང་། འོ་མ་ཅན་གྱི་ཤིང་དང་། ཏིལ་དང་། འབྲས་དང་། སོ་བ་དང་། ཞོ་དང་ བཅས་པའི་ཟན་དང་།དཱུརྦ་དང་། ཀུ་ཤ་རྣམས་ཀྱིས་རིམ་པ་ཇི་ལྟ་བ་བཞིན། ཨོཾ་བཛྲ་ལ་དཱ་ཡ་སྭཱ་ཧཱ། ཨོཾ་བཛྲ་ཡ་ཛྙཱ་ཡ་སྭཱ་ཧཱ། ཨོཾ་བཛྲ་ཀུ་བེ་ར་ཡེ་སྭཱ་ཧཱ། ཨོཾ་སརྦ་པཱ་པ་ད་ཧ་ན་བཛྲཱ་ཡ་སྭཱ་ཧཱ། ཨོཾ་བཛྲ་པུཥྚ་ཡེ་སྭཱ་ཧཱ། ཨོཾ་སརྦ་སཾ་པ་དེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། ཞེས་པའི་སྔགས་ཀྱིས་བསྲེག་པར་བྱའོ། །དེ་ནས་དགང་བླུགས་བྱིན་ལ་ཞལ་བསིལ་དང་སོ་རྩི་བྱིན་ཏེ་ལྷའི་འཁོར་ལོ་རང་ལ་བཅུག་ལ། ཨོཾ་ཀྲྀ་ཏོ་ཞེས་པ་ལ་སོགས་པ་བརྗོད་དེ་གཤེགས་སུ་གསོལ་ལོ། །འདི་ནི་སྦྱིན་སྲེག་གི་ཆོ་གའི རིམ་པའོ།། །།དེ་ནས་སློབ་དཔོན་གྱིས་སྔ་མ་ལྟར་འཁོར་ལོ་མཆོད་དེ་ཤར་སྒོ་རུ་ཁ་ཕྱོགས་ཏེ་རྡོ་རྗེ་དྲིལ་བུ་བཟུང་ལ། རང་གི་སྙིང་གར་ཡེ་ཤེས་ཀྱི་འཁོར་ལོ་བཅུག་ལ། བུམ་པའི་མགུལ་ཆིངས་གཞོན་ནུ་མ་ལ་བྱིན་ཏེ། ཨ་ཤོ་ཀའི་འདབ་མའམ་རང་གི་ལག་པའི རྡོ་རྗེས་ཚངས་པའི་ཐིག་གི་ལམ་བདེ་བ་ཆེན་པོའི་འཁོར་ལོའི་བར་དུ་དབྱེ་བར་བྱའོ།།པདྨ་ལ་སོགས་པ་ཕྱགས་ཏེ་རང་གི་མགོ་བོར་རྡུལ་ཚོན་ཅུང་ཟད་ཅིག་བཞག་ལ། རྡུལ་ཚོན་ཐམས་ཅད་ཕྱགས་ལ་བུམ་པར་བླུགས་ནས་གླང་པོ་ལ་སོགས་པར་བཀལ་བ་དང་གདུགས་ ལ་སོགས་པས་བརྒྱན་ལ།རྒྱ་མཚོ་ཆེན་པོར་འབབ་པའི་ཆུ་ལ་དབོ་བར་བྱའོ། །དེ་ནས་བུམ་པ་དེ་ཆུས་བཀང་སྟེ་དཀྱིལ་འཁོར་གྱི་ཁང་པར་འོངས་ལ་གཏོར་ཏེ་བ་ལང་གི་ལྕི་བ་ལ་སོགས་པས་བྱུག་པ་དང་། གཞོན་ནུ་མ་ལ་མངར་བ་ལ་སོགས་པའི་སྟོན་མོས་མཉེས་པར་བྱས་ནས་ ཡོན་ཕུལ་ལ་བཏང་ངོ་།།མཚན་མོའི་དུས་སུ་དཔའ་བོ་དང་དཔའ་མོ་ལ་སྟོན་མོ་བྱས་ལ་སྡུག་ཕོངས་ལ་ཡང་སྟོན་མོ་བྱའོ། །རྡོ་རྗེ་ཕག་མོའི་དཀྱིལ་འཁོར་ཆོག་།བདག་གིས་བྱས་པའི་དགེ་བ་ཡིས། །ཁམས་གསུམ་འགྲོ་བ་མ་ལུས་པས། །དེ་ཡི་ཞབས་ ཉིད་ཐོབ་པར་ཤོག་།བཅོམ་ལྡན་འདས་མའི་དཀྱིལ་འཁོར་གྱི་ཆོ་ག་ཤྲཱི་ཨུ་མ་པ་ཏི་དཏྟས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་ཆེན་པོ་ཝཱ་གཱི་ཤྭ་ར་གུཔྟ་དང་། ལོ་ཙཱ་བ་དགེ་སློང་ཆོས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ་



